தனுஷ் மீதான நயன்தாராவின் பரபரப்பு குற்றச்சாட்டு - நடிகை பார்வதி திருவோத்து ஆதரவு!

தனுஷ் மீதான நயன்தாராவின் பரபரப்பு குற்றச்சாட்டுக்கு நடிகை பார்வதி திருவோத்து ஆதரவு தெரிவித்துள்ளார்.

தமிழ் திரையுலகின் லேடி சூப்பர் ஸ்டாரான நயன்தாரா, இயக்குநர் விக்னேஷ் சிவனை காதலித்து திருமணம் செய்து கொண்டார். இவர்களின் திருமணம் தொடர்பான ஆவணப்படம் ‘Nayanthara: Beyond the Fairy Tale’ நாளை மறுநாள் வெளியாக உள்ளது. 2 ஆண்டுகள் ஆகியும் நயன்தாரா - விக்னேஷ் சிவன் திருமண வீடியோ வெளியிடப்படாமல் இருந்து வந்த நிலையில், தாமதத்திற்கான காரணம் தற்போது தெரிய வந்துள்ளது.

'நானும் ரௌவுடி தான்' படத்தின் பாடல் வரிகளை தங்களது திருமண வீடியோவில் பயன்படுத்த தயாரிப்பாளர் தனுஷிடம் அனுமதி கோரி இருந்த நிலையில், அவர் தாமதித்து வந்ததுதான் இதற்கு காரணம் என தற்போது நயன்தாரா தெரிவித்துள்ளார். நயன்தாரா மீதான தனிப்பட்ட வெறுப்பால், அவருக்கு மிகவும் பிடித்தமாக நானும் ரௌடிதான் படத்தின் பாடல் வரிகளை ஆவணப்படத்தில் பயன்படுத்த தனுஷ் முட்டுக்கட்டை போட்டதாகவும் நயன்தாரா குற்றம் சாட்டியுள்ளார்.

மேலும் “Spread Love” என்பதை வெறும் வார்த்தையாக மட்டுமின்றி, வாழ்க்கையிலும் கடைபிடிக்க வேண்டும் என காட்டமாக கூறியுள்ளார். இந்நிலையில் தனுஷ் மீதான நயன்தாராவின் பரபரப்பு குற்றச்சாட்டுக்கு நடிகை பார்வதி திருவோத்து ஆதரவு தெரிவித்துள்ளார்.