கோப்பையை வெல்ல பெயரை மாற்றும் யுத்தி... ஆர்சிபி அணியின் புதிய முயற்சி!

இந்நிலையில், நடப்பாண்டில் ஆர்சிபி அணியில் முக்கிய மாற்றம் ஒன்று நிகழவுள்ளதாக தெரிகிறது. இதுகுறித்து ஆர்சிபி அணி சார்பில் வீடியோ ஒன்று வெளியிடப்பட்டது. ‘காந்தாரா’ படத்தின் ஹீரோ ரிஷப் ஷெட்டி இந்த வீடியோவில் நடித்துள்ளார். மேலும் அவர் அருகே மூன்று எருமை மாடுகள் புல்வெளியில் நிற்கின்றன. அந்த மாடுகளின் மீது ராயல் சேலஞ்சர்ஸ் பெங்களூர் என தனித்தனியாக எழுதப்பட்ட சால்வைகள் போர்த்தப்பட்டுள்ளன. இதில் பெங்களூர் என எழுதப்பட்டு இருக்கும் மாட்டினை மட்டும் ரிஷப் ஷெட்டி விரட்டி விடுகிறார். பின்னர் ”அர்த்தம் புரிந்ததா?” என அவர் கேட்பதுடன் வீடியோ முடிகிறது.

ರಿಷಬ್ ಶೆಟ್ಟಿ ಎನ್ ಹೇಳ್ತಿದ್ದಾರೆ ಅರ್ಥ ಆಯ್ತಾ?

Understood what Rishabh Shetty is trying to say?

You’ll find out at RCB Unbox. Buy your tickets now. 🎟️@shetty_rishab #RCBUnbox #PlayBold #ArthaAytha #ನಮ್ಮRCB pic.twitter.com/sSrbf5HFmd

— Royal Challengers Bangalore (@RCBTweets) March 13, 2024

இதன் மூலம் அணியில் உள்ள பெங்களூர் என்னும் வார்த்தையை நீக்கிவிட்டு ‘பெங்களூரு’ என மாற்றி இருப்பது தெரியவந்துள்ளது. இந்த பெயர் மாற்ற அறிவிப்பு மார்ச் 19-ம் தேதி வெளியிடப்படும் எனவும் தெரிவிக்கப்பட்டுள்ளது. பெயர் மாற்ற எதிரொலியால் இந்தாண்டு பெங்களூரு அணி கோப்பையை வெல்ல வேண்டும் என அதன் ரசிகர்கள் ஆவலுடன் காத்துள்ளனர்.

இதேபோல், 2018-ம் ஆண்டில், டெல்லி டேர்டெவில்ஸ் என்ற பெயர் டெல்லி கேபிடல்ஸ் என மறுபெயரிடப்பட்டது. ஐபிஎல் 2021 க்கு முன்னதாக, கிங்ஸ் லெவன் பஞ்சாப் என்ற பெயர் பஞ்சாப் கிங்ஸாக மாற்றப்பட்டது. அண்மையில், ரைசிங் புனே சூப்பர்ஜெயண்ட்ஸ் அணி தனது பெயரில் உள்ள ‘எஸ்’ என்ற எழுத்தை நீக்கி ரைசிங் புனே சூப்பர்ஜெயண்ட் என பெயர் மாற்றப்பட்டது. இருப்பினும் இந்த பெயர் மாற்றங்கள் அந்தந்த அணிக்கு வெற்றி வாய்ப்பை கொண்டு சேர்க்கவில்லை என்பது குறிப்பிடத்தக்கது.