#sports | சர்வதேசக் கிரிக்கெட்டில் இருந்து ஓய்வு பெற்றார் மொயின் அலி!

இங்கிலாந்துக்கு அணிக்காக விளையாடி வந்த மொயின் அலி சர்வதேச கிரிக்கெட்டில் இருந்து ஓய்வை அறிவித்தார். 

இங்கிலாந்து அணியின் ஆல்ரவுண்டர் மொயின் அலி சர்வதேச கிரிக்கெட்டில் இருந்து ஓய்வு பெற்றார். 37 வயதான மொயீன், ஆஸ்திரேலியாவுக்கு எதிரான ஒருநாள் மற்றும் டி20 தொடருக்கான இங்கிலாந்து அணியில் தேர்வு செய்யப்படவில்லை. இதையடுத்து அவர் ஓய்வு பெற முடிவு செய்தார்.

2014ல் சர்வதேச அரங்கில் அறிமுகமான பிறகு, மொயீன் அலி 68 டெஸ்ட், 138 ஒருநாள் மற்றும் 92 டி20 போட்டிகளில் விளையாடினார். அவர் இங்கிலாந்துக்காக 6678 ரன்கள், 8 சதங்கள், 28 அரைசதங்கள் மற்றும் அனைத்து வடிவங்களிலும் 366 விக்கெட்டுகளை எடுத்துள்ளார். கயானாவில் நடந்த டி20 உலகக் கோப்பையில் இந்தியாவுக்கு எதிராக இங்கிலாந்து அரையிறுதியில் தோல்வியடைந்ததே அவரது கடைசி சர்வதேசப் போட்டியாகும். 2019ஆம் ஆண்டு ஒருநாள் உலகக் கோப்பையையும், 2022ஆம் ஆண்டு டி20 உலகக் கோப்பையையும் வென்ற இங்கிலாந்து அணியில் மொயீன் இருந்தார்.

ஓய்வு பெறுவதற்கான சரியான நேரம் வந்துவிட்டது:

மொயின் மொயின் டெய்லி மெயிலுக்கு அளித்த பேட்டியில், "எனக்கு 37 வயதாகிறது, இந்த மாதம் ஆஸ்திரேலியாவுக்கு எதிரான தொடருக்கு நான் தேர்வு செய்யப்படவில்லை. நான் இங்கிலாந்துக்காக நிறைய கிரிக்கெட் விளையாடியுள்ளேன். இப்போது நேரம் அடுத்த தலைமுறைக்காக வந்துள்ளது, இது சரியான நேரம் என்று நான் உணர்ந்தேன்.