மணிகண்டனின் ’லவ்வர்’ பட டீசர் வெளியானது!

மணிகண்டன் நடிக்கும் 'லவ்வர்' திரைப்படத்தின் டீசரை படக்குழு இன்று வெளியிட்டது.

8 தோட்டாக்கள், விக்ரம் வேதா, காலா, ஏலே, ஜெய் பீம், சில நேரங்களில் சில மனிதர்கள், சில்லுக்கருப்பட்டி உள்ளிட்ட படங்களில் நடித்து பிரபலமடைந்தவர் மணிகண்டன். சமீபத்தில் குட் நைட் திரைப்படத்தில் கதாநாயகனாக மோகன் என்ற கதாப்பாத்திரத்தில் நடித்து சிலரது மனங்களையும் கவர்ந்தார். இவர் தற்போது அறிமுக இயக்குநர் பிரபுராம் வியாஸ் எழுதி இயக்கியுள்ள 'லவ்வர்' (lover) திரைப்படத்தில் கதாநாயகனாக நடித்துள்ளார்.

இதில் ஸ்ரீகௌரி பிரியா, கண்ணன் ரவி உள்ளிட்ட பலர் முக்கிய கதாபாத்திரத்தில் நடித்துள்ளனர். ஷான் ரோல்டன் இசையமைத்துள்ள இப்படத்திற்கு ஸ்ரேயாஸ் கிருஷ்ணா ஒளிப்பதிவு செய்துள்ளார். இந்நிலையில், இப்படத்தின் டீசர் வெளியாகியுள்ளது. காதலர்களுக்கு இடையில் நடக்கும் பிரச்னைகளை மையமாக வைத்து உருவாகியுள்ள இத்திரைப்படத்தின் டீசர் சமூக வலைதளத்தில் ரசிகர்களின் கவனத்தை ஈர்த்து வருகிறது. 'லவ்வர்' திரைப்படம் 2024-ஆம் ஆண்டு காதர் தினத்தன்று வெளியாகவுள்ளது குறிப்பிடத்தக்கது.