#MadhyaPradesh | புதருக்குள் பதுங்கியிருந்த சிறுத்தையை சீண்டிய இளைஞர்கள்… அடுத்து என்ன நடந்துச்சு தெரியுமா?

மத்திய பிரதேசத்தில் தன்னை சீண்டிய இளைஞர்களை சிறுத்தை பதம் பார்த்த சம்பவம் அதிர்ச்சியை ஏற்படுத்தியுள்ளது.

மத்திய பிரதேசம் மாநிலம், ஷாதோல் மாவட்டத்தில் உள்ள கோபாரு மற்றும் ஜெய்த்பூர் காடுகளுக்கு உதவி சப்-இன்ஸ்பெக்டர் நிதின் சம்தாரியா, ஆகாஷ் குஷ்வாஹா (23) மற்றும் நந்தினி சிங் (25) உள்ளிட்டோர் சுற்றுலா சென்றுள்ளனர். அப்போது, புதருக்குள் ஒரு சிறுத்தை மறைந்திருந்ததை இவர்கள் பார்த்தனர். தொடர்ந்து, "வா.. வா…" என அழைத்து சிறுத்தையை வீடியோ எடுக்க முயன்றனர்.

இதையும் படியுங்கள்: #FakeCourt | “யாரு சாமி நீங்க”… போலி நீதிமன்றம் நடத்தி மாவட்ட ஆட்சியருக்கே உத்தரவு போட்ட இளைஞர் – எங்கு தெரியுமா?

இச்சமயத்தில் எதிர்பாராத விதமாக மின்னல் வேகத்தில் பாய்ந்து வந்த சிறுத்தை அவர்கள் மூவரையும் தாக்கியது. பின்னர் சிறுத்தை அங்கிருந்து தப்பி ஓடியது. சிறுத்தை தாக்கியதில் மூவரும் படுகாயமடைந்தனர். இதனையடுத்து சுற்றுலா வந்த மற்றவர்கள் காயமடைந்தவர்களை மீட்டு மருத்துவமனையில் சேர்த்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.