"அற்புதமான முயற்சி" - கங்குவா படத்தை பாராட்டிய நடிகர் மாதவன்!

நடிகர் சூர்யா படிப்பில் உருவாகியுள்ள கங்குவா திரைப்படத்தை பார்த்த நடிகர் மாதவன் பாராட்டியுள்ளார்.

தமிழ் சினிமாவின் முன்னணி நடிகர் சூர்யா நடிப்பில் இயக்குனர் சிவா இயக்கத்தில் வெளியான திரைப்படம் ‘கங்குவா’. ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரித்துள்ள இந்த படத்தில் திஷா பதானி, பாபி தியோல், யோகி பாபு, ரெடின் கிங்ஸ்லி உள்ளிட்ட பலர் நடித்துள்ளனர். இந்த படத்துக்கு தேவி ஸ்ரீ பிரசாத் இசையமைத்துள்ளார்.

வெற்றி ஒளிப்பதிவு செய்த இப்படம் 3டி முறையில் சரித்திர படமாக வெளியாகியுள்ளது. இப்படம் தமிழ், தெலுங்கு, மலையாளம், இந்தி, கன்னடம், ஆங்கிலம் உள்ளிட்ட மொழிகளில் கிட்டத்தட்ட 11,500 திரையரங்குகளில் கடந்த 14-ந் தேதி வெளியானது. மேலும் இந்த படத்தில் நடிகர் சூர்யா இரட்டை வேடங்களில் நடித்திருக்கிறார்.

இதையும் படியுங்கள் : தொடர்ந்து உயரும் தங்கம் விலை! ஒரு சவரன் எவ்வளவு தெரியுமா?

இப்படம் ரசிகர்கள் மத்தியில் கலவையான விமர்சனங்களை பெற்றுவருகிறது. மேலும், சூர்யாவையும் பலர் விமர்சித்து வந்தனர். இதற்கு நடிகை ஜோதிகா உள்ளிட்ட பலர் எதிர்ப்பு தெரிவித்துள்ளனர். இந்நிலையில், 'கங்குவா' திரைப்படத்தை பார்த்த நடிகர் மாதவன் படக்குழுவை பாராட்டியுள்ளார்.

இது குறித்து அவர் தனது இன்ஸ்டாகிராம் பக்கத்தில் வெளியிட்டுள்ள பதிவில்:

"நேற்று இரவு கங்குவாவை திரையில் பார்த்தேன். உங்களின் முயற்சிகளையும் அர்ப்பணிப்பையும் கண்டு வியப்படைந்தேன் என் அன்பு சகோதரா. நீங்கள் செய்ததில் பாதியையாவது நான் செய்ய விரும்புகிறேன். அற்புதமான முயற்சி"

இவ்வாறு அவர் தெரிவித்துள்ளார்.