நாடாளுமன்ற வளாகத்தில் திமுக எம்.பி.அப்துல்லாவை தடுத்து நிறுத்திய CISF காவலர் - நடவடிக்கை கோரி கடிதம்!

திமுக மாநிலங்களவை உறுப்பினர் அப்துல்லா, நாடாளுமன்ற நிலைக்குழு கூட்டத்தில் நேற்று (ஜூன் 18) பங்கேற்க சென்ற போது CISF பாதுகாவலர்களால் தடுத்து நிறுத்தபட்டதாக குற்றம்சாட்டியுள்ளார். மேலும் இதுதொடர்பாக  நடவடிக்கை கோரி மாநிலங்களவைத் தலைவர் ஜெகதீப் தன்கருக்கு அவர் கடிதம் எழுதியுள்ளார்.

மாநிலங்களவைத் தலைவருக்கு அவர் எழுதியுள்ள கடிதத்தில் கூறியிருப்பதாவது: “நேற்று பிற்பகல் 3 மணியளவில் நாடாளுமன்றத்திற்குள் நுழைந்த போது, அங்கு பணியில் இருந்த CISF அதிகாரிகள் என்னை தடுத்து நிறுத்தி நாடாளுமன்றத்துக்கு தான் வந்ததன் நோக்கம் என்ன என விளக்க வேண்டும் என கட்டாயப்படுத்தினர்.

என்னிடம் ஒழுங்கீனமாக நடந்து கொண்ட சிஐஎஸ்எப் பணியாளர்கள் மற்றும் தவறிழைத்த அதிகாரிகளின் மீது உரிய நடவடிக்கை எடுக்க வேண்டும். மேலும் மாநிலங்களவை உறுப்பினர்களின் கண்ணியத்தையும் உறுதி செய்யவேண்டும்” இவ்வாறு அந்த கடிதத்தில் மாநிலங்களவை திமுக உறுப்பினர் எம்.எம்.அப்துல்லா குறிப்பிட்டுள்ளார்.