“ரிவ்யூ பண்றத விட்டுட்டு ரீல்ஸ் பண்ண போலாம்” - வெளியானது 'டிடி நெக்ஸ்ட் லெவல்' படத்தின் டிரெய்லர்!

தமிழ் சினிமாவில் நகைச்சுவை நடிகராக அறிமுகமாகி, தற்போது நடிகராக வலம் வந்துக் கொண்டிருப்பவர் சந்தானம். கடந்த 2016-ல் சந்தானம் நடிப்பில் வெளியான 'தில்லுக்கு துட்டு' திரைப்படம் மக்கள் மத்தியில் நல்ல வரவேற்பை பெற்றது. 2019ல் தில்லுக்கு திட்டு படத்தில் நடித்திருந்தார். தொடர்ந்து இவர் நடித்த தில்லுக்கு துட்டு 2, டிடி ரிட்டர்ன்ஸ் படங்கள் ரசிக்கும் படி அமைந்தது. குறிப்பாக டிடி ரிட்டர்ன்ஸ் படம் சிறந்த கமெடி படமாக பேசப்பட்டது.

இதையும் படியுங்கள் : “நான் உங்களை கேட்டுக்கிறதெல்லாம் ஒண்ணே ஒண்ணுதான்” – தவெக தொண்டர்களுக்கு விஜய் போட்ட அன்பு கட்டளை!

தற்போது இதன் மூன்றாம் பாகமாக 'டிடி நெக்ஸ்ட் லெவல்' உருவாகி உள்ளது. ஆர்யாவின் தயாரிப்பில் உருவாகும் இந்த படத்தை பிரேம் ஆனந்த் இயக்கியுள்ளார். இதில் சந்தானத்துடன் இணைந்து கஸ்தூரி, செல்வராகவன், கவுதம் வாசுதேவ் மேனன், மொட்டை ராஜேந்திரன் உள்ளிட்ட பலர் நடித்துள்ளனர். இந்த படத்திற்கு ஆப்ரோ இசையமைத்துள்ளார்.

Big cheers to @iamsanthanam and the entire team on the grand trailer launch!
Looks super fun and exciting — wishing you all a massive success!
Can’t wait to catch it on the big screen!

YT Link : https://t.co/58ylg4khZ0#DevilsDoubleNextLevelFromMay16 #DhillukuDhuddu… pic.twitter.com/KtVQ6J9D6M

— Silambarasan TR (@SilambarasanTR_) April 30, 2025

இப்படம் வரும் மே மாதம் 16ம் தேதி திரைக்கு வர உள்ளது. சமீபத்தில் இப்படத்தின் ஃபர்ஸ்ட் லுக், பாடல் வெளியாகி கவனம் பெற்றது. இந்த நிலையில் சந்தானம் நடித்துள்ள 'டிடி நெக்ஸ்ட் லெவல்' படத்தின் டிரெய்லர் வெளியாகி உள்ளது. இந்த டிரெய்லரை பிரபல நடிகர்களான விஷால், சிம்பு மற்றும் கார்த்தி ஆகியோர் வெளியிட்டுள்ளனர். படத்திற்கு ரிவ்யூ கொடுக்க வரும் சந்தானம் அனுமானுசியத்தால் அந்த படத்திற்குள்ளேயே சென்று விடுகிறார். பின்னர் அவர் என்னென்ன பிரச்னைகளெல்லாம் சந்திக்கிறார் என்பது தான் இப்படத்தின் கதையாக அமைந்துள்ளது.