இன்று மாலை வெளியாகும் ‘குட் பேட் அக்லி’ திரைப்படத்தின் லேட்டஸ்ட் அப்டேட்!

நடிகர் அஜித் நடிக்கும் குட் பேட் அக்லி திரைப்படம் குறித்த அப்டேட் இன்று மாலை 6.40 மணிக்கு வெளியாக உள்ளதாக படக்குழு தெரிவித்துள்ளது.

நடிகர் அஜித் குமார்,  மகிழ் திருமேனி இயக்கத்தில் 'விடாமுயற்சி' திரைப்படத்தில் நடித்து வருகிறார்.  இதன் படப்பிடிப்பு தீவிரமாக நடைபெற்று வருகிறது.  'விடாமுயற்சி' திரைப்படத்திற்குப் பின் நடிகர் அஜித்,  ஆதிக் ரவிச்சந்திரன் இயக்கத்தில் மைத்ரி மூவி மேக்கர்ஸ் நிறுவனம் தயாரிக்கும் புதிய திரைப்படத்தில் இணைந்துள்ளார்.

இப்படத்திற்கு, ‘குட் பேட் அக்லி’ எனப் பெயரிட்டுள்ளனர்.  இதன், போஸ்டர் வெளியாகி ரசிகர்களிடம் கவனம் பெற்றதுடன் படம் அடுத்தாண்டு பொங்கலுக்கு வெளியாகும் என அறிவித்துள்ளனர்.  மேலும், குட் பேட் அக்லியின் முதல்கட்ட படப்பிடிப்பு ஹைதராபாத்தில் நடைபெற்றது.  இதில் நடிகர் அஜித்தின் காட்சிகள் எடுக்கப்பட்டன.  இதனைத் தொடர்ந்து, விடாமுயற்சி படப்பிடிப்புக்காக அஜித் அஜர்பைஜான் சென்றார்.   இந்த திரைப்படத்திற்கு தேவி ஸ்ரீ பிரசாத் இசையமைக்கிறார்.

இதையும் படியுங்கள் : கையில் 2 வயது குழந்தையுடன் சாகசம் செய்த பெண்! – இணையத்தில் வைரலாகும் வீடியோ!

இந்நிலையில்,  இன்று மாலை 6.40 மணியளவில் குட் பேட் அக்லியின் அப்டேட் வெளியாகும் தயாரிப்பு நிறுவனம் அறிவித்துள்ளது.  இது,  திரைப்படத்தின் இரண்டாவது போஸ்டராக இருக்கலாம் என எதிர்பார்க்கப்படுகிறது.