இன்று மாலை வெளியாகிறது #Kubera படத்தின் கிளிம்ஸ் வீடியோ!
தனுஷ் நடிப்பில் உருவாகும் குபேரா திரைப்படத்தின் கிளிம்ஸ் வீடியோ இன்று மாலை வெளியாகிறது.
‘ராயன்’ திரைப்படத்தை தொடர்ந்து தனுஷ் தற்போது சேகர் கம்முலா இயக்கத்தில் ‘குபேரா’ திரைப்படத்தில் நடித்து வருகிறார். ‘குபேரா’ திரைப்படம் தனுஷின் 51 வது திரைப்படமாக உருவாகிறது. ஸ்ரீவெங்கடேஸ்வரா சினிமாஸ் தயாரிக்கும் இப்படம் தமிழ், தெலுங்கு, இந்தி என மூன்று மொழிகளில் ஒரே நேரத்தில் உருவாகிறது. இந்த திரைப்படத்தின் கதாநாயகியாக ராஷ்மிகா மந்தனா நடிக்க தெலுங்கு முன்னணி நடிகர் நாகார்ஜுனா முக்கிய கதாபாத்திரத்தில் நடிக்கிறார்.
இதையும் படியுங்கள் : #SriLankaElection | இலங்கை நாடாளுமன்ற தேர்தல்… பெரும்பான்மையை பெற்றது அதிபர் திசாநாயக்கவின் என்பிபி கூட்டணி!
இப்படத்திற்கு தேவி ஸ்ரீபிரசாத் இசையமைக்கிறார். இந்த திரைப்படத்தின் படப்பிடிப்பு திருப்பதி, தாய்லாந்து, மும்பை பகுதிகளில் நடைபெற்று முடிந்தது. தற்போது அடுத்தக்கட்ட படப்பிடிப்பு ஹைதராபாத்தில் துவங்கியுள்ளது. சமீபத்தில் இப்படத்தின் பர்ஸ்ட் லுக் போஸ்டர் வெளியாகி கவனம் பெற்றது.
தொடர்ந்து நாகார்ஜுனா, ராஷ்மிகா மந்தனா ஆகியோரின் கதாபாத்திர அறிமுக வீடியோ வெளியாகி வரவேற்பை பெற்றது. இந்த நிலையில், குபேரா படத்தின் கிளிம்ஸ் வீடியோ இன்று மாலை 5.31 மணிக்கு வெளியாகும் என படக்குழு அறிவித்துள்ளது. இதனை நடிகர் மகேஷ் பாபு வெளியிடுகிறார்.
