ரசிகர்களுக்கு குட் நியூஸ் சொன்ன கேஎல் ராகுல் - அதியா ஷெட்டி தம்பதி!

கேஎல் ராகுல் - அதியா ஷெட்டி தம்பதி தாங்கள் கருவுற்றிருப்பதாக அறிவித்துள்ளனர்.

பிரபல ஜோடியான கேஎல் ராகுலும், அதியா ஷெட்டியும் அடுத்தாண்டு குழந்தை பெறவிருப்பதாக தங்கள் இன்ஸ்டாகிராம் பக்கத்தில் தெரிவித்துள்ளனர். கிரிக்கெட் பிரபலம் கேஎல் ராகுலும், பாலிவுட் நடிகை அதியா ஷெட்டியும் கடந்த ஆண்டு ஜனவரி மாதம் திருமணம் செய்து கொண்டனர்.

இதுகுறித்து தங்கள் இன்ஸ்டாகிராம் பக்கத்தில் தெரிவித்துள்ளதாவது;

“எங்கள் அழகான ஆசிர்வாதம் 2025ல் வரவுள்ளது” என குழந்தை பாதங்கள் கொண்ட இமோஜுடன் ஒரு இடுகையை பதிவிட்டுள்ளனர். ரசிகர்கள் அனைவரும் இந்த தம்பதிக்கு வாழ்த்துகளை தெரிவித்து வருகின்றனர்.

தற்போது ஆஸ்திரேலியாவுக்கு எதிரான பார்டர் - கவாஸ்கர் தொடரில் விளையாடுவதற்காக ராகுல் ஆஸ்திரேலியாவுக்கு சுற்றுப்பயணம் மேற்கொண்டுள்ளார். அவர் தற்போது இந்தியா ஏ அணிக்கான போட்டியில் விளையாடி வருகிறார்.