கேப்டன் மில்லர் | இன்று வெளியாக உள்ள ‘கில்லர் கில்லர்’ பாடல் - பெரும் எதிர்பார்ப்பில் ரசிகர்கள்!

கேப்டன் மில்லர்  படத்தின் முதல் பாடலான கில்லர் கில்லர் இன்று (நவம்பர் 22) மாலை 5 மணிக்கு வரவுள்ளது என அப்டேட் வெளியாகி உள்ளது.

நடிகர் தனுஷ் நடித்திருக்கும் கேப்டன் மில்லர் திரைப்படம் பொங்கல் தின விருந்தாக வர உள்ளது.  தமிழ் சினிமாவின் முன்னணி நடிகராக உள்ள நடிகர் தனுஷ் தன்னுடைய அடுத்தடுத்த படங்களின் அப்டேட்கள் மூலம் ரசிகர்களை குஷி படுத்தி வருகிறார்.  இப்படி இருக்கும் நிலையில் முதல் பாடல் அப்டேட் வந்துள்ளது.

கடைசியாக நடிகர் தனுஷ் நடிப்பில் வெளியான வாத்தி படம் நல்ல வரவேற்பை பெற்றது . அதனை தொடர்ந்து தற்போது இயக்குநர் அருண் மாதேஸ்வர் இயக்கத்தில் கேப்டன் மில்லர் படத்தில் நடித்து முடித்துள்ளார் அவர்.  இந்த படத்தில் பிரியங்கா மோகன் கதாநாயகியாக நடித்துள்ளார்.

அதனை போல இந்த திரைப்படத்தில் ஷிவராஜ் குமார்,  சந்தீப் கிஷன் ஆகியோர் முக்கியமான பாத்திரங்களில் நடித்துள்ளனர்.  ஜி.வி.பிரகாஷ் இப்படத்திற்கு இசையமைத்துள்ளார். சத்ய ஜோதி நிறுவனம் இப்படத்தை தயாரித்துள்ளது. மேலும் இந்த திரைப்படம் பான் இந்தியா படமாக வெளியாகவுள்ளது.

பீரியட் படமாக உருவாகியுள்ள இந்தப் படத்தின் பர்ஸ்ட் லுக் மற்றும் டீசர் மக்களிடையே மிரட்டியதுடன் படத்தின்மீதான எதிர்பார்ப்பையும் அதிகமானது.  முதலில் டிசம்பர் வெளியீடாக இருந்த இப்படம் இப்போது பொங்கலுக்கு மாறி இருக்கிறது. அது போல் இப்படத்தின் முதல் பாடலான கில்லர் கில்லர் இன்று (நவம்பர் 22) மாலை 5 மணிக்கு வரவுள்ளது என அப்டேட் வெளியாகி உள்ளது.