நாளை வெளியாகிறது கார்த்தியின் #VaaVaathiyar டீசர்!

கார்த்தி நடிப்பில் உருவாகி உள்ள வா வாத்தியார் படத்தின் டீசர் நாளை மாலை 5 மணிக்கு வெளியாகும் என படக்குழு அறிவித்துள்ளது.

தமிழ் சினிமாவில் முன்னணி நடிகர்களுள் ஒருவராக வலம் வருபவர் நடிகர் கார்த்திக். இவரது நடிப்பில் கடைசியாக வெளிவந்த மெய்யழகன் மக்களிடையே நல்ல வரவேற்பை பெற்றது. இதனையடுத்து இவரின் 26வது படத்தை நலன் குமாரசாமி இயக்கியுள்ளார். சூது கவ்வும், காதலும் கடந்து போகும் போன்ற வெற்றி படங்களை நலன் குமாரசாமி இயக்கியுள்ளார். இப்படத்தை ஸ்டுடியோ கிரீன் ஞானவேல் ராஜா தயாரித்துள்ளார்.

இப்படத்தில் நடிகர் கார்த்திக்கு ஜோடியாக கிரித்தி ஷெட்டி நடித்துள்ளார். மேலும் இப்படத்தில் ராஜ்கிரண், சத்யராஜ் ஆகியோர் முக்கிய கதாபாத்திரத்தில் நடித்துள்ளனர். வா வாத்தியார் என பெயரிடப்பட்டுள்ள இப்படத்திற்கு, சந்தோஷ் நாராயணன் இசையமைத்திருக்கிறார்.  கிறிஸ்துமஸ்க்கு இப்படத்தை வெளியிட முடிவு செய்ததாக கூறப்பட்ட நிலையில், வரும் பொங்கலுக்கு படம் திரைக்கு வரும் என கூறப்படுகிறது.

இந்நிலையில் இப்படத்தின் டீசர் நாளை மாலை 5 மணிக்கு வெளியாகும் என படக்குழு அறிவித்துள்ளது. நாளை மறுநாள் கங்குவா வெளியாக உள்ள திரையரங்குகளில் டீசரை வெளியிட படக்குழு திட்டமிட்டிருந்ததாக கூறப்பட்ட நிலையில், தற்போது இந்த செய்தி வெளியாகி உள்ளது.