#Jharkhand | பொதுக்கூட்ட மேடையில் சம்பாய் சோரனை மத்திய அமைச்சர் அமித் ஷா அவமதித்தாரா? உண்மை என்ன?

This News Fact Checked by ‘BOOM’

ஜார்க்கண்ட் பொதுக்கூட்ட மேடையில் அம்மாநில முன்னாள் முதலமைச்சர் சம்பாய் சோரனை மத்திய உள்துறை அமைச்சர் அமித்ஷா அவமதித்ததாகா வீடியோ ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.

ஜார்க்கண்டில் மத்திய அமைச்சர் அமித்ஷா நடத்திய பொதுக்கூட்டத்தின் எடிட் செய்யப்பட்ட வீடியோ சமூக ஊடகங்களில் வைரலாகி வருகிறது. பொதுக்கூட்ட மேடையில் அமர்ந்திருந்த அம்மாநில முன்னாள் முதலமைச்சர் சம்பாய் சோரன் மற்றும் பாபுலால் சோரன் உள்ளிட்ட பழங்குடியினத் தலைவர்களை அமித்ஷா அவமதித்ததாக வீடியோ வைரலாகி வருகிறது.

இதுகுறித்த பூம் உண்மை சரிபார்ப்பின் போது, வைரலாகிவரும் அமித் ஷாவின் வைரல் வீடியோ எடிட் செய்யப்பட்டு, 'ஜி' என்ற வார்த்தை அகற்றப்பட்டது கண்டறியப்பட்டது.

உண்மை சரிபார்ப்பு:

அமித்ஷா தனது உரையில், மூன்று பாஜக வேட்பாளர்களின் பெயரைக் குறிப்பிட்டு, அவர்களை மேடைக்கு வருமாறு வலியுறுத்தினார். அந்த நேரத்தில் அமித்ஷா 'சம்பாய் ஜி' என்று அழைத்தார். அது மட்டுமின்றி, சம்பாய் சோரனை மூத்த பழங்குடித் தலைவர் என்றும் அழைத்தார்.

ஜார்க்கண்ட் சட்டசபையின் 81 தொகுதிகளில் 43 இடங்களுக்கு முதல் கட்டமாக கடந்த நவ. 13-ம் தேதி அன்று வாக்குப்பதிவு நடைபெற்றது. மீதமுள்ள 38 தொகுதிகளுக்கு வரும் நவ. 20-ம் தேதி வாக்குப்பதிவு நடைபெற உள்ளது. அதன் முடிவுகள் நவ. 23-ம் தேதி வெளியிடப்படும்.

வைரலாகும் வீடியோவில், அமித்ஷா 'பாபுலால் முன்னுக்கு வா', 'சம்பாய் முன்னுக்கு வா' என்று கூறுவது காணப்படுகிறது. இதை ஃபேஸ்புக்கில் பகிர்ந்துள்ள காங்கிரஸ் சமூக வலைதளத் தலைவர் சுப்ரியா ஸ்ரீநெட் , 'நீங்கள் அழைக்கும் மக்கள் பழங்குடியினர் என்பதால், பழங்குடியினர் மீது ஏன் இவ்வளவு எரிச்சல், அமித் ஷா?' என்று பகிர்ந்துள்ளார்.

அதே உரிமைகோரலுடன் X இல் கிளிப் செய்யப்பட்ட வீடியோவையும் பயனர் பகிர்ந்துள்ளார். (காப்பக இணைப்பு, காப்பக இணைப்பு)

உண்மை சோதனை

ஜார்க்கண்ட் முன்னாள் முதலமைச்சரும், பழங்குடியின தலைவருமான சம்பாய் சோரனை அவமதிக்கும் வகையில் அமித் ஷாவின் தவறான கூற்றுடன் கிளிப் செய்யப்பட்ட வீடியோ சமூக வலைதளங்களில் வைரலாகி வருகிறது. BOOM உண்மையைச் சரிபார்த்ததில், வைரலான வீடியோ எடிட் செய்யப்பட்டு, சம்பைக்கு முன்னால் இடம்பெற்ற 'ஜி' என்ற முகவரி அகற்றப்பட்டது. ஆனால் உண்மையான வீடியோவில், அமித் ஷா 'சம்பாய் ஜி' என்று அழைத்தார் மற்றும் மேடைக்கு வருமாறு தலைவர்களை கேட்டுக் கொண்டார்.

அமித் ஷா அவரை 'சம்பை ஜி' என்று அழைத்தார்

வைரலான வீடியோ தொடர்புடைய முக்கிய வார்த்தைகள் Google இல் தேடப்பட்டது. அப்போது நவ. 3 அன்று பாஜகவின் யூடியூப் சேனலில் பதிவேற்றப்பட்ட ஜார்க்கண்டில் அமித் ஷாவின் காட்ஷிலா பொதுக்கூட்டத்தின் வீடியோ கண்டறியப்பட்டது.

அந்த வீடியோவின் 6:11 நிமிடத்தில், அமித் ஷா மேடையில் இருந்த பாஜக தலைவர்களிடம் பேசத் தொடங்குகிறார். அப்போது அவர், "எங்கள் மாநிலத் தலைவர் ரவீந்திர குமார் ராய் ஜி, வித்யுத் பரன் மஹதோ ஜி, ஆதித்ய சாஹு ஜி, சண்டிசரண் சாஹு ஜி மற்றும் எங்கள் மூன்று வேட்பாளர்கள் இங்கே மேடையில் உள்ளனர். முதலில், பஹரகோராவைச் சேர்ந்த டாக்டர் தினேஷானந்த் கோஸ்வாமி ஜி, அடுத்த தினேஷானந்த் ஜி. பாபுலால் ஜி, காட்ஷிலாவின் இளம் வேட்பாளர் பாபுலால், பழங்குடியினரின் உணவு, மகள் மற்றும் நிலத்திற்காக போராடத் தொடங்கிய செரைகேலாவின் மூத்த பழங்குடித் தலைவர் எங்கள் சம்பாய் சோரன் ஜிக்காக கைதட்டவும்..." என்று தெரிவித்துள்ளார்.

இது தவிர, நவம்பர் 3, 2024 அன்று ANI இன் இன்ஸ்டாகிராம் கணக்கில் பதிவேற்றப்பட்ட அமித் ஷாவின் காட்ஷிலாவில் பேசிய வீடியோக்களும் கண்டறியப்பட்டது. ஜார்க்கண்ட் தலைவர்களை மேடைக்கு வருமாறு உள்துறை அமைச்சர் அமித்ஷா அழைத்தபோது “பாபுலால் ஜி முன்னுக்கு வா, பாபுலால் முன்னுக்கு வா, தினேஷானந்த் முன்னுக்கு வா” என்கிறார். இதற்குப் பிறகு, "சம்பாய் ஜி முன்னுக்கு வாருங்கள், சம்பை ஜி, முன்னுக்கு வாருங்கள்" என்று கூறுகிறார்.

ஆனால், வைரலான வீடியோ எடிட் செய்யப்பட்டு, அமித் ஷா திட்டிய விதத்தில் முன்னாள் முதலமைச்சர் சம்பாய்க்கு முன்னால் உள்ள 'ஜி' க்ராப் செய்யப்பட்டு வைரலாகி வருகிறது என கண்டறியப்பட்டது.

இந்த ஆண்டு ஆகஸ்ட் மாதம் ஹேமந்த் சோரன் ஜார்கண்ட் முக்தி மோர்ச்சாவில் (ஜேஎம்எம்) இருந்து ராஜினாமா செய்து பாஜகவில் சேர்ந்தார் என்பது குறிப்பிடத்தக்கது. முன்னதாக, ஹேமந்த் சோரன் சிறையில் இருந்து விடுவிக்கப்பட்டதையடுத்து, சம்பாய் சோரன் முதலமைச்சர் பதவியை ராஜினாமா செய்ய வேண்டியிருந்தது. பின்னர் ஹேமந்த் மீண்டும் முதலமைச்சராக பதவியேற்றார்.

Note : This story was originally published by ‘BOOM’ and translated by ‘News7 Tamil’ as part of the Shakti Collective.