இப்படியா குறையுறது..? - கொஞ்சூண்டு குறைந்த தங்கம் விலை!

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது.

அந்த வகையில், கடந்த சில தினங்களுக்கு முன்பு தங்கம் ஒரு சவரன் ரூ.65,800-க்கும் விற்பனை செய்யப்பட்ட நிலையில் படிப்படியாக உயர்ந்த தங்கம் விலை சமீபத்தில் ரூ.70 ஆயிரத்தை கடந்தது.

இதனையடுத்து, தங்கம் விலை தொடர்ந்து ஏற்றத்தை சந்தித்து வருகிறது. அதன்படி, தங்கத்தின் விலை கிராமுக்கு ரூ. 275 உயர்ந்து ரூ. 9ஆயிரத்து 290-க்கும் சவரனுக்கு ரூ. 2ஆயிரத்து 200-க்கு உயர்ந்து ரூ. 74 ஆயிரத்து 320 என்கிற வரலாற்றில் இல்லாத புதிய உச்சத்தை தொட்டது.

இந்நிலையில் இன்று தங்கம் விலை குறைந்துள்ளது. அந்த வகையில், சென்னையில் ஆபரணத் தங்கத்தின் விலை கிராமுக்கு ரூ.10 ரூபாய் குறைந்து ரூ.9 ஆயிரத்து 05க்கும், சவரனுக்கு ரூ.80 குறைந்து ரூ.72 ஆயிரத்து 40-க்கு விற்பனை செய்யப்படுகிறது. வெள்ளி விலையில் இன்று மாற்றம் இல்லை. வெள்ளி ஒரு கிராமுக்கு ரூ.111-க்கு விற்பனை செய்யப்படுகிறது.