ஆனந்த் அம்பானி குறித்து NDTV லோகோவுடன் வைரலாகும் பதிவு உண்மையா?

This news Fact checked by Vishvas News

ஆனந்த் அம்பானியின் அதிர்ச்சியான ‘வெளிப்பாடு’ குறித்து என்டிடிவி என்ற பெயரில் வைரலாகி வரும் செய்தி போலியானது. இந்த பக்கம் என்டிடிவியின் லோகோவுடன் உருவாக்கப்பட்டுள்ளது. இதுகுறித்த உண்மை சரிபார்ப்பை காணலாம்.

பல்வேறு சமூக ஊடக தளங்களில் பயனர்கள் ஒரு சர்ச்சைக்குரிய பேட்டி வெளிவந்ததையடுத்து, ஆனந்த் அம்பானி வீட்டுக் காவலில் வைக்கப்பட்டதாகக் கூறி ஒரு பதிவை பகிர்ந்து வருகின்றனர். பிறகு அவரது ஆதரவாளர்கள் அவரை விடுவிக்கக் கோரி போராட்டம் நடத்தி வருகின்றனர் எனவும் பதிவுகள் வைரலாகி வருகின்றன. NDTV என்ற செய்தி சேனலில் இருந்து வந்ததாகக் கூறப்படும் செய்தியை மேற்கோள் காட்டி இந்தக் கூற்று முன்வைக்கப்பட்டுள்ளது.

விஸ்வாஸ் நியூஸ் தனது விசாரணையில் இந்தக் கூற்று போலியானது எனக் கண்டறிந்துள்ளது. என்டிடிவியின் லோகோவுடன் ஒரு போலி செய்திப் பக்கம் உருவாக்கப்பட்டுள்ளது. ஆனந்த் அம்பானியின் சர்ச்சைக்குரிய பேட்டி மற்றும் தொடர்ந்து அவர் கைது செய்யப்பட்டதாகக் கூறுவதற்கு ஒரு ஜோடிக்கப்பட்ட செய்தி அறிக்கை பயன்படுத்தப்படுகிறது. இதேபோன்ற மற்றொரு பதிவில், தென்னிந்திய நடிகை நயன்தாராவைப் பற்றி கூற்று உள்ளது. அதுவும் போலியானது. மேலும், 2 அறிக்கைகளும் 2 வெவ்வேறு முதலீட்டு தளங்களை மேம்படுத்துவதைக் குறிப்பிடுகின்றன. இதன் மூலம் மக்கள் குறுகிய காலத்தில் மிக அதிக வருமானம் சம்பாரிக்க முடியும் என ஈர்க்கப்படுகிறார்கள்.

சமூக ஊடக பயனர் 'ExclusiveNews24' வைரலான பதிவை பகிர்ந்து (இணைப்பு), "இது பற்றி யாருக்கும் தெரியாது. ஆனந்த் அம்பானியின் தவறு.” என தெரிவிக்கப்பட்டுள்ளது. ஆனந்த் அம்பானி தொடர்பான பிற போலி பதிவு அறிக்கைகளுக்கான இணைப்புகளை இங்கே, இங்கே, இங்கே மற்றும் இங்கே பார்க்கவும்.

தென்னிந்திய நடிகை நயன்தாராவைப் பற்றிய பரபரப்பான மற்றொரு பதிவு (இணைப்பு). நயன்தாரா தொடர்பான மற்ற போலி பதிவுகளுக்கான இணைப்புகளை இங்கே பார்க்கலாம்.

உண்மை சரிபார்ப்பு:

வைரலான பதிவில் கொடுக்கப்பட்டுள்ள லிங்கை கிளிக் செய்தபோது, அதில் 'ஆனந்த் அம்பானியின் அவதூறான பேட்டிக்குப் பிறகு விடுதலைக்காக ஆதரவாளர்கள் திரள்கின்றனர்' என்ற தலைப்பில் செய்தி வெளியானது. ஆங்கில செய்தி சேனலான 'என்டிடிவி'யின் லோகோ இந்தப் பக்கத்தில் காட்டப்பட்டுள்ளது. இந்த செய்தி என்டிடிவி இணையதளத்தில் வெளியிடப்பட்டதை இது குறிக்கிறது.

இருப்பினும், இந்தப் பக்கத்தின் URL 'https://store.newsindiatoday42.com/' ஆகும். இது NDTV பெயரில் உள்ள போலியான பக்கம் என்பதை உறுதிப்படுத்துகிறது. என்டிடிவியின் அதிகாரப்பூர்வ இணையதளத்தின் லோகோ என்டிடிவி.காம் ஆகும். மேலும் இந்த இணையதளத்தில் ஆனந்த் அம்பானி கைது செய்யப்பட்டதை குறிப்பிடும் எந்த அறிக்கையும் காணவில்லை.

இந்த செய்தியில், ஆனந்த் அம்பானியை விடுவிக்கக் கோரி வழக்கறிஞர்கள் போஸ்டர்களுடன் போராட்டம் நடத்தும் படம் காணப்படுகிறது. தேடுதலில், Slate.com இணையதளத்தில் அது 9 டிசம்பர் 2020 அன்று வெளியிடப்பட்ட ஒரு அறிக்கையில், விவசாயிகளுக்கு ஆதரவாக வழக்கறிஞர்கள் போராட்டம் நடத்தும் புகைப்படம் கண்டறியப்பட்டது. ஆனந்த் அம்பானியின் வெளியீடு எடிட் செய்யப்பட்டு இந்தப் படத்தில் சேர்க்கப்பட்டுள்ளது.

இந்த பதிவில் பயன்படுத்தப்பட்ட ஆனந்த் அம்பானியின் புகைப்படம் அவர் காயமடைந்ததாக காட்டுகிறது. இந்த புகைப்படம் True Media Tool மூலம் சரிபார்க்கப்பட்டது. பகுப்பாய்வு முடிவு இந்த புகைப்படம் AI மூலம் கையாளப்படுவதற்கான சாத்தியத்தை உறுதிப்படுத்துகிறது.

அறிக்கையில் பயன்படுத்தப்பட்டுள்ள ஆனந்த் அம்பானியின் புகைப்படம் AI-ஆல் உருவாக்கப்பட்டது என்பதை உறுதிப்படுத்தும் பகுப்பாய்வு அறிக்கை இதோ.

வைரல் பதிவில் குறிப்பிடப்பட்டுள்ள 'ஜப் வி மெட்' நேர்காணல் பத்திரிக்கையாளர் ராகுல் கன்வால் நடத்திய எட்டு மாதப் பேட்டியாகும். மேலும் இந்த பேட்டியில் வைரல் பதிவில் கூறப்படுவது போல் பரபரப்பான அல்லது சர்ச்சைக்குரிய எதையும் அவர் கூறவில்லை.

நயன்தாரா தொடர்பான பதிவை கிளிப்பிங் செய்த பிறகு கண்டறிந்த பக்கத்தில் அதே பைலைனுடன் NDTV லோகோ உள்ளது. அதே நேரத்தில் இந்தப் பக்கத்தின் URL https://fisengaku.com ஆகும். இது போலியானது என்பதை உறுதிப்படுத்துகிறது.

மேலும், இந்த பதிவில் காணப்படும் நயன்தாராவின் படத்தில், அவர் காயத்துடன் காணப்படுகிறார். ட்ரூ மீடியாவின் உதவியுடன் சரிபார்த்ததில், இந்த படம் ஜெனரேட்டிவ் AI மூலம் தயாரிக்கப்பட்டது என்பது உறுதி செய்யப்பட்டது.

அந்த அறிக்கையில் பயன்படுத்தப்பட்டுள்ள தென்னிந்திய நடிகை நயன்தாராவின் புகைப்படம் AI-ஆல் உருவாக்கப்பட்டது என்பதை உறுதிப்படுத்தும் பகுப்பாய்வு அறிக்கை இதோ.

அதாவது இந்த அறிக்கையும் போலியானது.

ஆனந்த் அம்பானியின் அறிக்கையில், உடனடி +400 Flarex தளம் மூலம் பணம் சம்பாதிப்பது பற்றி குறிப்பிடப்பட்டுள்ளது. இந்த இணைப்பைக் கிளிக் செய்தவுடன், உடனடியாக +400 ஃபிளாரெக்ஸ் பக்கம் திறக்கிறது. அதில் வெறும் ரூ.19,500 முதலீட்டில் தினமும் ரூ.205,000 சம்பாதிக்கும் வாய்ப்பு உள்ளது என குறிப்பிடப்பட்டுள்ளது.

அதே நேரத்தில், நயன்தாராவின் அறிக்கையில் உடனடி +400 லோட்மேக்ஸ் என்ற தளம் குறிப்பிடப்பட்டுள்ளது. இதன் மூலம் பங்குகள், நாணயம் மற்றும் பத்திரங்களில் முதலீடு செய்வதன் மூலம் பணம் சம்பாதிப்பது பற்றிய குறிப்பு உள்ளது. இந்த அறிக்கையின் முகப்பு ஐகானைக் கிளிக் செய்தால், உடனடியாக +400 என்ற பக்கம் திறக்கும். இது கிரிப்டோவில் குறைந்தபட்சம் $250 முதலீடு செய்வதன் மூலம் $436 சம்பாதிப்பதை உறுதி செய்கிறது என குறிப்பிட்டுள்ளது.

அனைத்து பதிவுகளும் என்டிடிவி நிருபர் ஜே சாம் டேனியல் ஸ்டாலினின் பைலைனைக் கொண்டுள்ளன. இந்த அறிக்கை தொடர்பாக அவரைத் தொடர்பு கொண்டபோது அது போலியானது என்பதை உறுதிப்படுத்திய அவர், "அவர் இந்த அறிக்கையை எழுதவில்லை" என்று கூறினார்.

இந்தக் கோரிக்கையை முன்வைத்துள்ள பக்கத்தை பேஸ்புக்கில் சுமார் 150 பேர் பின்தொடர்கின்றனர். மறுபுறம், நயன்தாரா தொடர்பான போலியான பதிவை ஷேர் செய்த பக்கத்தை பேஸ்புக்கில் சுமார் 2500 பேர் பின்தொடர்கின்றனர். முன்னதாக, ஆனந்த் அம்பானி வீடியோ வைரலானது. அதில் அவர் கேமிங் செயலியை விளம்பரப்படுத்துவதைக் காணலாம். எங்கள் விசாரணையில், இந்த வீடியோ டீப்ஃபேக் என்று கண்டறியப்பட்டது, அதன் அறிக்கையை இங்கே காணலாம்.

முடிவு:

ஆனந்த் அம்பானியின் அதிர்ச்சியூட்டும் 'வெளிப்பாடுகளை' குறிப்பிடும் என்டிடிவியின் பெயரில் வைரலாகும் செய்தி போலியானது. இந்த பக்கம் என்டிடிவியின் லோகோவுடன் உருவாக்கப்பட்டுள்ளது. அதில் ஆனந்த் அம்பானியின் பெயரில் வெளியிடப்பட்ட செய்தியும் போலியானது. இதேபோல், தென்னிந்திய நடிகை நயன்தாரா கைது செய்யப்பட்டதாக அறிக்கையை மேற்கோள் காட்டும் பதிவும் போலியானது. மேலும், இரண்டு அறிக்கைகளும் இரண்டு வெவ்வேறு முதலீட்டு தளங்களை மேம்படுத்துவதைக் குறிப்பிடுகின்றன.

Note : This story was originally published by Vishvas News and translated by ‘News7 Tamil’ as part of the Shakti Collective.