டெல்லி தேர்தலில் தோல்வியடைந்த பிறகு AIMIM வேட்பாளர் தாஹிர் உசேன் பேரணி நடத்தியதாக வைரலாகும் பதிவு உண்மையா?

This News Fact Checked by ‘Vishvas News’

டெல்லி சட்டமன்றத் தேர்தல் முடிவுகளுக்குப் பிறகு, முஸ்தபாபாத் சட்டமன்றத் தொகுதியின் AIMIM வேட்பாளர் தாஹிர் உசேன் பேரணி நடத்தினார் என்றும், அவர் தேர்தலில் தோல்வியடைந்த போதிலும் ஊர்வலம் நடத்துகிறார் என்றும் கூறும் ஒரு வீடியோ கிளிப் சமூக ஊடகங்களில் வைரலாகி வருகிறது.

இதுகுறித்த விசாரணையில் இந்தக் கூற்று தவறானது என்று கண்டறியப்பட்டது. இந்த வைரல் காணொளி தேர்தலுக்கு முந்தைய பேரணியின் வீடியோவாகும், அப்போது உச்ச நீதிமன்றம் ஜனவரி 29 முதல் பிப்ரவரி 3 வரை தேர்தல் பிரசாரத்திற்காக ஹுசைனுக்கு காவல் பரோல் வழங்கியது. இந்த பரோல் காலம் முடிந்த பிறகு, ஹுசைன் மீண்டும் சிறைக்குச் சென்று தற்போது சிறையில் உள்ளார்.

பாஜக வேட்பாளர் மோகன் சிங் பிஷ்ட் அந்த தொகுதியில் வெற்றி பெற்றார். மேலும் ஹுசைன் சுமார் 33 ஆயிரம் வாக்குகளுடன் மூன்றாவது இடத்தில் இருந்தார்.

வைரல் பதிவு:

'வினீத் இந்து ஐ' என்ற சமூக ஊடக பயனர் வைரலான வீடியோ கிளிப்பை (காப்பக இணைப்பு) பகிர்ந்து, "டெல்லி கலவரத்தில் குற்றம் சாட்டப்பட்ட தாஹிர் உசேன்க்கு முஸ்தபாபாத் மக்கள் 30 ஆயிரம் வாக்குகளை வழங்கியுள்ளனர். தோல்வியடைந்த பிறகும், அவர் பேரணி நடத்தி வருகிறார். தூக்கிலிடப்பட்டிருக்க வேண்டிய இடத்தில் கூட, கொலீஜியத்தின் (உச்ச நீதிமன்றங்கள்) தரகர்களின் கருணையால் இன்னும் பாதுகாப்பாக இருக்கிறேன். சட்டத்தை மீறுவேன் என்பதை இந்தியா முழுவதும் காணும் வகையில் அவர் தனது பலத்தைக் காட்டுகிறார்" என பதிவிடப்பட்டுள்ளது.

வெவ்வேறு சமூக ஊடக தளங்களில் உள்ள பல பயனர்களும் இந்த காணொளி கிளிப்பை ஒத்த கூற்றுகளுடன் பகிர்ந்துள்ளனர்.

दिल्ली दंगों का आरोपी ताहिर हुसैन को मुस्तफ़ाबाद के लोगों ने ३० हज़ार वोट दिया है और ये हार कर भी जुलूस निकाल रहा है।
यह अपनीं ताकत का प्रदर्शन इसलिए कर पा रहा हैं ताकि पूरा भारत देख लों जहां हमें फांसी मिलनी चाहिये थी वहां भी कोलेजियम के दलालों (सु प्री म कोठें) की मेहरबानी से… pic.twitter.com/AfxY2vrl2T
— त्रिशूल अचूक 🔱🚩🇮🇳 (@TriShool_Achuk) February 10, 2025

உண்மை சரிபார்ப்பு:

வைரலான காணொளியின் அசல் மூலத்தைக் கண்டறிய, அதன் முக்கிய பிரேம்களின் தலைகீழ் படத் தேடல் செய்யப்பட்டது. அப்போது, பிப்ரவரி 6-ம் தேதி இந்த காணொளி பல சமூக ஊடக பக்கங்களில் வெளியிடப்பட்டிருந்தது.

டெல்லி சட்டமன்றத் தேர்தல் பிரசாரத்துடன் தொடர்புடைய இந்த காணொளி பிப்ரவரி 6-ம் தேதி 'SAHILMIRZA' என்ற யூடியூப் சேனலில் பதிவேற்றப்பட்டது தெரியவந்தது.

இதே சூழலில் பல பயனர்கள் இந்த காணொளியைப் பகிர்ந்துள்ளனர்.

வைரல் காணொளியைப் போன்ற பிரேம்களுடன் 'ஹாஜிதாஹிர்ஹுஸைனைமிம்' (ஹாஜி தாஹிர் உசேன் என்று கூறும் இன்ஸ்டாகிராம் சுயவிவரம்) இலிருந்து பல காணொளிகள் பகிரப்பட்டுள்ளன. பிப்ரவரி 3 அன்று பகிரப்பட்ட இதேபோன்ற காணொளி, பிரசாரத்திற்குப் பிறகு தாஹிர் உசேன் சிறைக்குச் செல்வதற்கு முன்பு எடுத்த காணொளி என கூறுகின்றனர்.

டெல்லி கலவர வழக்கில் குற்றம் சாட்டப்பட்ட ஆம் ஆத்மி கட்சியின் முன்னாள் கவுன்சிலரான தாஹிர் உசேனுக்கு தேர்தல் பிரசாரத்திற்காக உச்ச நீதிமன்றம் 6 நாட்கள் நிபந்தனை பரோல் வழங்கியது குறிப்பிடத்தக்கது. உச்ச நீதிமன்ற உத்தரவின்படி, ஜனவரி 29 முதல் பிப்ரவரி 3 வரை பகலில் (12 மணி நேரம்) தேர்தல் பிரசாரத்திற்காக ஹுசைன் விடுவிக்கப்படுவார், மேலும் ஒவ்வொரு இரவும் சிறைக்குத் திரும்ப வேண்டும் என நிபந்தனை விடுக்கப்பட்டது.

டெல்லி சட்டமன்றத்தின் 70 இடங்களுக்கான வாக்குப்பதிவு பிப்ரவரி 5 ஆம் தேதி நடைபெற்றது, இதற்கான தேர்தல் பிரசாரம் பிப்ரவரி 3ம் தேதி மாலையுடன் முடிவடைந்தது. தேர்தல் முடிவுகள் பிப்ரவரி 8ம் தேதி வந்தன, அதன்படி பாஜக மூன்றில் இரண்டு பங்கு பெரும்பான்மையுடன் டெல்லியில் அரசாங்கத்தை அமைக்கப் போகிறது. டெல்லியில் பாஜக மொத்தம் 48 இடங்களைப் பெற்றுள்ளது, அதே நேரத்தில் முன்னாள் ஆளும் கட்சியான ஆம் ஆத்மி கட்சி இந்தத் தேர்தலில் மிகப்பெரிய தோல்வியைச் சந்திக்க வேண்டியிருந்தது. ஆம் ஆத்மி மொத்தம் 22 இடங்களை வென்றுள்ளது.

அதே நேரத்தில், பாஜக வேட்பாளர் மோகன் சிங் பிஷ்ட் முஸ்தபாபாத் தொகுதியில் வெற்றி பெற்றார். ஆம்ஆத்மி கட்சியின் அடில் அகமது கான் 2வது இடத்தைப் பிடித்தார். அதே நேரத்தில், AIMIM வேட்பாளர் தாஹிர் உசேன் சுமார் 33 ஆயிரம் வாக்குகளுடன் மூன்றாவது இடத்தைப் பிடித்தார்.

டெல்லியில் உள்ள முஸ்தபாபாத் சட்டமன்றத் தேர்தல் முடிவுகள் (ECI தரவுகளின்படி)

இந்த வைரல் காணொளி தொடர்பாக டைனிக் ஜாக்ரனின் தலைமை நிருபர் முகமது ஷுஜாவுதீனை தொடர்பு கொண்டபோது, அவர் இந்த காணொளி தேர்தலுக்கு முந்தைய பிரசாரத்திலிருந்து எடுக்கப்பட்டது என உறுதி செய்தார். தாஹிர் உசேன் தற்போது சிறையில் இருப்பதாகவும், அவரது காவல் பரோல் பிப்ரவரி 3 வரை மட்டுமே உள்ளதாகவும் அவர் கூறினார்.

வைரல் பதிவைப் பகிர்ந்த பயனரின் சுயவிவரம் ஒரு குறிப்பிட்ட சித்தாந்தத்தால் ஈர்க்கப்பட்டதாக தெரிகிறது.

முடிவு:

புது டெல்லியில் உள்ள முஸ்தபாபாத் சட்டமன்றத் தொகுதியில் இருந்து தாஹிர் உசேன் பிரசாரம் செய்யும் வீடியோ, அவரது தேர்தலுக்குப் பிந்தைய பேரணியாகப் பகிரப்படுகிறது. பிப்ரவரி 3ம் தேதி பிரசாரம் செய்த பிறகு தாஹிர் உசேன் சிறைக்குத் திரும்பினார். தேர்தல் பிரசாரத்திற்காக உச்ச நீதிமன்றம் அவருக்கு நிபந்தனையுடன் கூடிய காவல் பரோல் வழங்கியது, அதுவும் ஜனவரி 29 முதல் பிப்ரவரி 3 வரை மட்டுமே.

Note : This story was originally published by ‘Vishvas News’ and Translated by ‘News7 Tamil’ as part of the Shakti Collective.