இன்று மாலை வெளியாகிறது இந்தியன் 2 லேட்டஸ்ட் அப்டேட்! படக்குழு அறிவிப்பு!
கமல்ஹாசன் நடிப்பில் உருவாகி வரும் 'இந்தியன் 2' திரைப்படத்தின் அப்டேட் இன்று மாலை 6 மணியளவில் வெளியாக உள்ளதாக படக்குழு தெரிவித்துள்ளது.
இயக்குநர் ஷங்கர் உடன் கமல்ஹாசன் இரண்டாம் முறையாக இணைந்த திரைப்படம் ‘இந்தியன் 2’. 1996ஆம் ஆண்டு வெளியான இப்படத்தின் முதல் பாகம் பாக்ஸ் ஆஃபிஸில் சக்கை போடு போட்டதுடன், வசூலையும் குவித்து தமிழ் சினிமாவின் பிரபல கமர்ஷியல் படமாக உருவெடுத்தது. கமல்ஹாசன் இப்படத்துக்காக தேசிய விருது வென்றார்.
இதையும் படியுங்கள் : உலக கோடீஸ்வரர்கள் பட்டியலில் திடீர் மாற்றம் | எலான் மஸ்க்கை பின்னுக்குத் தள்ளினார் மார்க் ஜுக்கர்பெர்க்!
இதனைத் தொடர்ந்து, இயக்குநர் ஷங்கர் தற்போது இந்தியன் படத்தின் இரண்டாவது பாகத்தை இயக்கியுள்ளார். இத்திரைப்படத்தில் கமலுடன் இணைந்து சமுத்திரக்கனி, பாபி சிம்ஹா, காஜல் அகர்வால், சித்தார்த், ராகுல் பிரீத் சிங், பிரியா பவானி சங்கர் உள்ளிட்ட பலர் நடித்துள்ளனர். இப்படத்தை லைகா நிறுவனம் தயாரித்துள்ளது. இத்திரைப்படத்திற்கு அனிருத் இசையமைத்திருக்கிறார்.
அண்மையில், இந்தியன் -2 திரைப்படத்தின் அறிமுக வீடியோ வெளியாகி வரவேற்பைப் பெற்றது. படத்தின் இறுதிகட்டப் பணிகள் விறுவிறுப்பாக நடைபெற்று வருகின்றன. இந்த நிலையில், இப்படம் மே மாத இறுதியில் அல்லது ஜுன் முதல் வாரத்தில் திரைக்கு வர உள்ளதாக தகவல் வெளியாகியுள்ளது.
இந்நிலையில், இன்று மாலை 6 மணியளவில் திரைப்படத்தின் அப்டேட் வெளியாகுமென படக்குழு அதிகாரபூர்வமாக தெரிவித்துள்ளது. ஊழல் புற்றுநோயை உருவாக்கும் உயிரைக் கொல்லும் என படக்குழு போஸ்டரில் தெரிவித்துள்ளது.
Attention all! 🚨 An exciting update from INDIAN-2 🇮🇳 is on its way. Let’s stand together with Zero-tolerance against corruption. Stay tuned for the announcement today at 6 PM. 🕕🤩#Indian2 🇮🇳
🌟 #Ulaganayagan @ikamalhaasan
🎬 @shankarshanmugh
🎶 @anirudhofficial
📽️… pic.twitter.com/z2RgIiRo56— Lyca Productions (@LycaProductions) April 6, 2024
