2வது டி20 போட்டிக்காக சென்னை வந்த இந்தியா - இங்கிலாந்து வீரர்கள்!

பட்லர் தலைமையிலான இங்கிலாந்து கிரிக்கெட் அணி இந்தியாவில் சுற்றுப்பயணம் மேற்கொண்டு 5 டி20 மற்றும் 3 ஒருநாள் போட்டிகள் கொண்ட தொடரில் விளையாடுகிறது. இதில் முதலில் டி20 தொடர் நடைபெறுகிறது. இந்த நிலையில், இந்தியா – இங்கிலாந்து அணிகளுக்கு இடையிலான முதல் டி20 கிரிக்கெட், கொல்கத்தாவில் ஈடன் கார்டன் மைதானதில் நேற்று நடைபெற்றது.

நடந்த முதல் ஆட்டத்தில் இந்திய அணி 7 விக்கேட் வித்தியாசத்தில் வெற்றி பெற்றது. இதன் மூலம் 1-0 என்ற கணக்கில் இந்தியா முன்னிலையில் உள்ளது.இந்த இரு அணிகளும் மோதும் 2-வது டி20 ஆட்டம் ஆனது சென்னை சேப்பாக்கத்தில் உள்ள எம்.ஏ.சிதம்பரம் மைதானத்தில் நாளை மறுநாள் (சனிக்கிழமை) நடைபெறுகிறது.

இந்நிலையில், இந்தப்போட்டியில் விளையாடுவதற்காக இந்தியா, இங்கிலாந்து வீரர்கள் இன்று மாலை சென்னை வந்தனர். நாளை முதல் வீரர்கள் தீவிர பயிற்சியில் ஈடுபடுகிறார்கள். இந்தப்போட்டிக்கான குறைந்தபட்ச டிக்கெட் விலை ரூ.1500 ஆகவும் அதிக பட்ச டிக்கேட் விலை ரூ 15 ஆயிரமாகவும் இருந்த நிலையில் டிக்கேட் முழுவதுமாக விற்று தீர்ந்து விட்டதாக தெரிவிக்கப்பட்டுள்ளது.