ஐசிசி ஒருநாள் பேட்ஸ்மேன் தரவரிசை | முதல் இடத்தை பிடித்த சுப்மன் கில்... டாப் 10ல் 4 இந்திய வீரர்கள்!

ஒருநாள் பேட்ஸ்மேன் தரவரிசை பட்டியலை ஐசிசி வெளியிட்டுள்ளது. இதில் இந்திய வீரரான சுப்மன் கில் முதல் இடத்தை பிடித்துள்ளார். கடந்த வாரம் வெளியிட்ட தரவரிசையின் போது சுப்மன் கில் 2-வது இடம் பிடித்திருந்தார். இங்கிலாந்துக்கு எதிரான கடைசி போட்டியில் சதம் விளாசியதன் மூலம் தற்போது முதல் இடத்திற்க்கு முன்னேறியுள்ளார். பாகிஸ்தான், நியுசிலாந்து, தென்ஆப்பிரிக்கா அணிகளுக்கு இடையில் நடைபெற்ற முத்தரப்பு போட்டியில் பாபர் அசாம் சிறப்பாக விளையாடததால் 2-வது இடத்திற்க்கு சரிந்துள்ளார்.

இங்கிலாந்துக்கு எதிரான 2-வது போட்டியில் சதம் விளாசிய ரோகித் சர்மா 3-வது இடத்தில் நீடிக்கிறார். தென் ஆப்ரிக்க வீரர் கிளாசன் ஒரு இடம் முன்னேறி 4-வது இடத்தை பிடித்துள்ளார். நியூசிலாந்து வீரர் டேரில் மிட்சல் 2 இடங்களில் முன்னேறி 5-வது இடத்திற்க்கு முன்னேறியுள்ளார். இங்கிலாந்துக்கு எதிரான கடைசி போட்டியில் அரைசதம் அடித்த விராட் கோலி 6-வது இடத்தில் நீடிக்கிறார்.

அயர்லாந்து வீரர் டெக்கர் 7-வது இடத்தையும், இலங்கை வீரர் அசலங்கா 8-வது இடத்தையும் பிடித்துள்ளனர். ஷ்ரேயாஸ் அய்யர் ஒரு இடம் முன்னேறி 9-வது இடத்தையும், வெஸ்ட் இண்டீஸ் வீரர் ஷாய் ஹோப் 10-வது இடத்தையும் பிடித்துள்ளனர்.

ஐசிசி ஒருநாள் பேட்டர்கள் தரவரிசை:

1.ஷுப்மன் கில் - 796 புள்ளிகல்
2.பாபர் அசாம் - 773 புள்ளிகள்
3.ரோஹித் சர்மா - 761 புள்ளிகள்
4.ஹென்ரிக் கிளாசன் - 756 புள்ளிகள்
5.டேரில் மிட்செல் - 740 புள்ளிகள்
6.விராட் கோலி - 721 புள்ளிகள்
7.ஹாரி டெக்கர் - 716 புள்ளிகள்
8.சரிதா அசலங்கா - 696 புள்ளிகள்
9.ஷ்ரேயாஸ் ஐயர் - 679 புள்ளிகள்
10.ஷாய் ஹோப் - 672 புள்ளிகள்