புதிய அம்சங்களுடன் TATA Nano மீண்டும் அறிமுகப்படுத்தபடுகிறதா? TATA நிறுவனம் தெரிவித்தது என்ன?

This News Fact Checked by ‘FACTLY’

டாடா நிறுவனம் சார்பில் பல புதிய அம்சங்களுடன் TATA Nano மீண்டும் அறிமுகப்படுத்தப்படும் என பதிவு ஒன்று இணையத்தில் வைரலாகி வருகிறது. இதுகுறித்த உண்மை சரிபார்ப்பை காணலாம்.

மறைந்த தொழிலதிபர் ரத்தன் டாடாவின் லட்சியத் திட்டமான TATA Nano, நோயல் டாடாவின் தலைமையில் மீண்டும் தொடங்கப்படும் என்று சமூக ஊடகங்களில் (இங்கே, இங்கே, இங்கே, மற்றும் இங்கே) ஒரு பதிவு வைரலாகி வருகிறது. புதிய மாடலில் நவீன வடிவமைப்பு, 624சிசி பெட்ரோல் எஞ்சின் மற்றும் நகர்ப்புற வாகனம் ஓட்டுவதற்காக வடிவமைக்கப்பட்ட 30 கிமீ மைலேஜ் ஈர்க்கக்கூடியதாக இருக்கும் என்று கூறப்படுகிறது.

உரிமைகோரலைச் சரிபார்க்க Google தேடல் மேற்கொண்டபோது, அத்தகைய அறிவிப்பு எதுவும் கிடைக்கவில்லை. TATA மோட்டார்ஸ் அத்தகைய அறிக்கையை வெளியிட்டிருந்தால் அது பரவலாகப் பேசப்பட்டிருக்கும். இருப்பினும், TATA Motors இன் சமூக ஊடகங்களில் (இங்கே, இங்கே, மற்றும் இங்கே) அல்லது எந்த நம்பகமான செய்தி தளத்திலும் இதைப் பற்றி எதுவும் குறிப்பிடப்படவில்லை.

வைரல் பதிவின் ஸ்கிரீன்ஷாட்டை கூகுள் லென்ஸில் தேடியதில், 15 ஆகஸ்ட் 2023 அன்று யூடியூப் சேனலான ஹக் போகன் மோட்டார்ஸில் ஒரு வீடியோ (காப்பகம்) வெளியிடப்பட்டது. வீடியோவில் வைரலான படத்தில் உள்ளதைப் போன்ற ஒரு கார் இடம்பெற்றுள்ளது. இதன் தலைப்பில் டொயோட்டா அய்கோ எக்ஸ் பல்ஸ் அடையாளம் காணப்பட்டது.

மேலும் விசாரணையில், வைரல் பதிவில் உள்ளதைப் போன்ற ஒரு கார் டொயோட்டாவின் அதிகாரப்பூர்வ இணையதளத்தில் (காப்பகம்) இடம்பெற்றுள்ளது.

வைரலான பதிவில் கார் லோகோவில் உள்ள முரண்பாடு கவனம் பெற்றன. இதனை ஒப்பிடுகையில், TATA லோகோ மற்றும் நானோ பெயர்ப் பலகையை உள்ளடக்கியதாக Toyota Aygo X கார் படம் எடிட் செய்யப்பட்டிருப்பது கண்டறியப்பட்டது.

கீழே உள்ள ஒப்பீடு டாடா மோட்டார்ஸ் மற்றும் டொயோட்டா மோட்டார்ஸ் கார்களில் உள்ள லோகோக்களுக்கு இடையே உள்ள வேறுபாடுகளைக் காட்டுகிறது.

கூடுதலாக, மின்னஞ்சல் மூலம் TATA மோட்டார்ஸைத் தொடர்பு கொண்டபோது, மேலும் புதிய TATA Nano வெளியீட்டைப் பற்றிய அதிகாரப்பூர்வ தகவல் எதுவும் இல்லை என்பதை அவர்கள் உறுதிப்படுத்தினர். புதிய தயாரிப்புகள் குறித்து உரிய நேரத்தில் அதிகாரப்பூர்வ தகவல் தொடர்பு சேனல்கள் மூலம் வாடிக்கையாளர்களுக்கு தெரிவிக்கப்படும் என்று அவர்கள் உறுதியளித்தனர்.

முடிவு:

மொத்தத்தில், TATA மோட்டார்ஸ் நிறுவனம், நவீன வசதிகளுடன் கூடிய புதிய நானோ காரை அறிமுகம் செய்யாத நிலையில், வைரலான படம் எடிட் செய்யப்பட்டுள்ளது.

Note : This story was originally published by ‘FACTLY’ and Translated by ‘News7 Tamil’ as part of the Shakti Collective.