இந்திய பாஸ்போர்ட்டை பார்த்ததும் இந்தி பேசும் இயந்திரங்கள் | வைரலாகும் ட்விட்டர் பதிவு...!

சீன விமான நிலையத்தில் உள்ள இயந்திரங்கள் இந்திய பாஸ்போர்ட்டைக் கண்டறிந்தவுடன் இந்தியில் பேசுகின்றன.

சீனாவுக்குச் சென்றிருந்த இந்தியரான சாந்தனு கோயல்,  அந்நாட்டில் உள்ள இயந்திரங்களுக்கு இந்தியில் பேசும் திறன் இருப்பதைக் கண்டு ஆச்சரியமடைந்தார்.  X இல் (ட்விட்டர்) ஒரு பதிவைப் பகிர்ந்துள்ளார். அது ஆன்லைனில் வைரலாகியுள்ளது.

கோயல், சீனாவின் விமான நிலையத்திலிருந்து இரண்டு படங்களைப் பகிர்ந்துள்ளார். முதல் படம் வெளிநாட்டவர் கைரேகை சுய சேகரிப்பு பகுதி மற்றும் மற்றொன்று இந்தி மற்றும் மாண்டரின் மொழியில் வழிமுறைகளைக் காட்டும் இயந்திரத்தின் படங்கள்.

இயந்திரங்கள் இந்திய பாஸ்போர்ட்டைக் கண்டறிந்ததும் இந்தியில் பேசியதாக அவர் குறிப்பிட்டார்.  இந்த இடுகை ஞாயிற்றுக்கிழமை பகிரப்பட்டதிலிருந்து ஏழு லட்சத்திற்கும் அதிகமான பார்வைகளைப் பெற்றுள்ளது.  சமூக ஊடக பயனர்களும் கருத்துகள் பகுதியை தங்கள் எண்ணங்களால் நிரப்பினர்.  சிங்கப்பூர்,  தாய்லாந்து போன்ற பிற நாடுகளிலும் இது பொருந்தும் என்று பலர் கூறினர்.

Landed in #China These machines speak in Hindi on detecting my Indian passport 😮 pic.twitter.com/RgtyBTVVj9

— Shantanu Goel (@shantanugoel) January 14, 2024

"இந்தி மட்டுமா அல்லது அதற்கு வேறு மொழிகள் உள்ளதா?" ஒரு பயனர் கேள்வி எழுப்பினார்.  மற்றொரு பயனர் , தாய்லாந்து மற்றும் சிங்கப்பூர் கடந்த 3/4 ஆண்டுகளாக இதைச் செய்து வருவதாக தெரிவித்தார்.