#GoldRate | தங்கம் விலை குறைவு... இன்றைய விலை நிலவரம் என்ன?

சென்னையில் ஆபரணத் தங்கத்தின் விலை சவரனுக்கு ரூ.120 குறைந்து ரூ. 58,840 -க்கு விற்பனை செய்யப்படுகிறது.

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. அக்டோபர் மாத தொடக்கம் முதலே தங்கம் விலை ஏற்றத்தை சந்தித்து வந்தது.

இதையும் படியுங்கள் : #Lightning | மின்னல் தாக்கி கால்பந்து வீரர் பலி… மைதானத்தில் நடந்த சோகம்!

வாரத்தின் முதல் நாளான நேற்று (நவ.4) தங்கத்தின் விலையில் எந்த மாற்றமும் இன்றி, ஒரு கிராம் ரூ. 7,370-க்கும், ஒரு சவரன் ரூ. 58,960-க்கும் விற்பனையானது. இந்த நிலையில், சென்னையில் ஆபரணத் தங்கத்தின் விலை இன்று (நவ.5) சற்று குறைந்துள்ளது. அதன்படி, கிராமுக்கு ரூ. 15 குறைந்து ரூ. 7,355-க்கும், சவரனுக்கு ரூ.120 குறைந்து ரூ. 58,840 -க்கும் விற்பனை செய்யப்படுகிறது.

வெள்ளியின் விலை கடந்த 5 நாள்களாக எந்த மாற்றமும் இன்றி விற்பனையான நிலையில், இன்று கிராமுக்கு ரூ. 1 குறைந்து ரூ. 105-க்கும், ஒரு கிலோ கட்டி வெள்ளி ரூ. 1,05,000-க்கும் விற்பனையாகிறது.