Gold Rate | தங்கம் விலை அதிரடி உயர்வு.. ஒரு சவரன் எவ்வளவு?

சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. கடந்த சில மாதங்களாக தங்கம் புதிய உச்சம் தொட்டு வருகிறது. அந்த வகையில், தங்கம் விலை கடந்த 17-ம் தேதி வரலாறு காணாத வகையில் உயர்ந்து ஒரு கிராம் ரூ.12,200-க்கும், சவரன் ரூ. 97,600-க்கும் விற்பனை ஆனது. தொடர்ந்து தங்கம் விலை ஏற்ற இறக்கத்தை சந்தித்து வந்தது.

அதன்படி, தங்கம் விலை நேற்று கிராமுக்கு ரூ.40 அதிகரித்து ரூ. 11,540-க்கும், சவரனுக்கு ரூ. 320 உயர்ந்து ரூ.92,320-க்கும் விற்பனை ஆனது. வெள்ளி விலை  கிராமுக்கு ரூ.3 ரூபாய் குறைந்து ரூ.171-க்கும், கிலோ ரூ.3 ஆயிரம் குறைந்து ரூ 1 லட்சத்து 71 ஆயிரத்துக்கும் விற்கப்பட்டது. தொடர்ந்து, காலையில் உயர்ந்த தங்கம் விலை மாலையில் சவரனுக்கு ரூ.1120 குறைந்து ரூ.92,200 க்கும், கிராமுக்கு ரூ.140 குறைந்து ரூ.11,400-க்கும் விற்பனையானது.

வெள்ளி விலை காலை 3 ரூபாய் குறைந்த நிலையில், மாலையில் மேலும் 1 ரூபாய் குறைந்து, ஒரு கிராம் வெள்ளி ரூ.170-க்கும், கிலோ ரூ.1 லட்சத்து 70 ஆயிரத்துக்கும் விற்கப்பட்டது. இந்த நிலையில், சென்னையில் ஆபரணத் தங்கத்தின் விலை இன்று அதிரடியாக உயர்ந்துள்ளது. அதன்படி, தங்கம் விலை கிராமுக்கு ரூ.100 உயர்ந்து ரூ.11,500க்கும், சவரனுக்கு ரூ.800 உயர்ந்து ரூ.92,000க்கும் விற்பனையாகிறது. வெள்ளி விலையில் மாற்றமின்றி ஒரு கிராம் ரூ.170க்கும், ஒரு கிலோ ரூ.1,70,000க்கும் விற்பனை செய்யப்படுகிறது.