Gold Rate | ஒரே நாளில் இருமுறை குறைந்த தங்கம் விலை!

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. கடந்த சில மாதங்களாக தங்கம் புதிய உச்சம் தொட்டு வருகிறது.

அந்த வகையில், சென்னையில் ஆபரணத் தங்கத்தின் விலை இன்று காலை அதிரடியாக குறைந்தது. தங்கம் விலை கிராமுக்கு 300 ரூபாய் குறைந்து ஒரு கிராம் தங்கம் ரூ.11,700-க்கும் சவரனுக்கு 2400 ரூபாய் குறைந்து ஒரு சவரன் ரூ.93,600-க்கும் விற்பனையானது.

இந்நிலையில் இன்று இரண்டாவது முறையாக தங்கம் விலை மேலும் குறைந்துள்ளது. அதன்படி சென்னையில் ஆபரண தங்கத்தின் விலை கிராமுக்கு ரூ.160 குறைந்து ரூ.11 ஆயிரத்து 540 ரூபாய்க்கு விற்பனையாகிறது. சவரனுக்கு ரூ.1280 குறைந்து ரூ.92 ஆயிரத்து 320-க்கு விற்பனை செய்யப்படுகிறது.

வெள்ளி விலையும் குறைந்துள்ளது. கிராமுக்கு 5 ரூபாய் குறைந்து ஒரு கிராம் வெள்ளி 175 ரூபாய்க்கும் கிலோவுக்கு இரண்டாயிரம் ரூபாய் குறைந்து பார் வெள்ளி 1 லட்சத்துக்கு 80 ஆயிரம் ரூபாய்க்கும் விற்பனை செய்யப்படுகிறது.