Gold Rate | தங்கம் விலை சரிவு - இன்றைய நிலவரம் என்ன?

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. கடந்த சில மாதங்களாக தங்கம் புதிய உச்சம் தொட்டு வருகிறது.

அந்த வகையில், சென்னையில் ஆபரணத் தங்கத்தின் விலை நேற்று கிராமுக்கு ரூ.80 குறைந்து ஒரு கிராம் தங்கம் ரூ.11ஆயிரத்து 920-க்கும் சவரனுக்கு 640 ரூபாய் குறைந்து ஒரு சவரன் ரூ.95ஆயிரத்து 360-க்கும் விற்பனையானது.

இதனிடையே இன்று காலை தங்கம் விலை உயர்ந்துள்ளது. அதன்படி, சென்னையில் ஆபரண தங்கத்தின் விலை கிராமுக்கு ரூ.260 உயர்ந்து ரூ.12 ஆயிரத்து 180-க்கும், சவரனுக்கு ரூ.2,080 உயர்ந்து ரூ.97 ஆயிரத்து 440-க்கு விற்பனை செய்யப்படுகிறது. வெள்ளி விலை இன்று குறைந்துள்ளது. வெள்ளி விலை கிராமுக்கு ரூ.2 குறைந்து ரூ.188-க்கு விற்பனை செய்யப்படுகிறது.

இந்த நிலையில் இன்று மாலை தங்கம் விலை குறைந்துள்ளது. ஆபரண தங்கத்தின் விலை கிராமுக்கு ரூ.180 குறைந்த நிலையில் ரூ.12000-க்கும், சவரனுக்கு ரூ.1440 குறைந்து ரூ.96 ஆயிரத்துக்கு விற்பனை செய்யப்படுகிறது. வெள்ளி விலை கிராமுக்கு ரூ.6 குறைந்து ரூ.182-க்கு விற்பனை செய்யப்படுகிறது. 1 கிலோ பார் வெள்ளி 1 லட்சத்துக்கு 88 ஆயிரம் ரூபாய்க்கும் விற்பனை செய்யப்படுகிறது.