Gold Rate | தங்கம் விலை தொடர் உயர்வு.. இன்றைய விலை நிலவரம் இதோ!

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. கடந்த சில மாதங்களாக தங்கம் புதிய உச்சம் தொட்டு வருகிறது.

இதையும் படியுங்கள் : துப்பாக்கியால் சுட்டு உயிரை மாய்த்துக்கொண்ட 10-ம் வகுப்பு மாணவன்.. மதுரையில் பரபரப்பு!

அந்த வகையில், சென்னையில் ஆபரணத் தங்கத்தின் விலை நேற்று (அக்.14) கிராமுக்கு ரூ.245 உயர்ந்து ரூ.11,825க்கும், சவரனுக்கு ரூ.1,960 உயர்ந்து ரூ.94,600க்கும் விற்பனையானது. அதேபோல், வெள்ளி விலை கிராமுக்கு ரூ.9 உயர்ந்து ரூ.206 ஆக விற்கப்பட்டது.

இந்த நிலையில், தங்கம் விலை இன்று (அக்.15) மீண்டும் உயர்ந்துள்ளது. அதன்படி, சென்னையில் ஆபரணத் தங்கத்தின் விலை கிராமுக்கு ரூ.35 உயர்ந்து ரூ.11,860க்கும், சவரனுக்கு ரூ.280 உயர்ந்து ரூ.94,880க்கும் விற்பனையாகிறது. வெள்ளி விலை ரூ.1 உயர்ந்து ரூ.207க்கு விற்பனை செய்யப்படுகிறது.