இறங்கிய வேகத்தில் எகிறிய தங்கம் விலை... இன்றைய விலை நிலவரம் என்ன?

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. அந்த வகையில், கடந்த சில தினங்களுக்கு முன்பு விலை அதிரடியாக குறைந்த நிலையில் தங்கம் ஒரு சவரன் ரூ.65,800-க்கும் விற்பனை செய்யப்பட்டது.

இதையும் படியுங்கள் : “மராத்தியில் பேசு”.. பெண்ணை மிரட்டிய நபர்.. பெண் கொடுத்த துணிச்சலான பதில் – வீடியோ வைரல்!

படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது. இதனையடுத்து, தங்கம் விலை தொடர்ந்து ஏற்ற இறக்கத்தை சந்தித்து வந்தது. அந்த வகையில், தங்கம் விலை நேற்று (மே 15) கிராமுக்கு ரூ.195 குறைந்து ரூ.8,610-க்கும், சவரனுக்கு ரூ.1,560 குறைந்து ரூ.68,880-க்கும் விற்பனையானது.

இந்த நிலையில், தங்கம் விலை இன்று (மே 16) அதிரடியாக உயர்ந்துள்ளது. அதன்படி, தங்கம் விலை கிராமுக்கு ரூ.110 உயர்ந்த ரூ.8,720க்கும், சவரனுக்கு ரூ.880 உயர்ந்து ரூ.69,760க்கும் விற்பனை செய்யப்படுகிறது. வெள்ளி விலை ஒரு கிராம் ரூ.107.90க்கும் பார் வெள்ளி ரூ.1,08,000க்கும் விற்பனையாகிறது. தங்கம் விலை நேற்று குறைந்த சூழலில் இன்று அதிரடியாக உயர்ந்துள்ளது மக்களிடையே அதிர்ச்சியை ஏற்படுத்தியுள்ளது.