ஒரே நாளில் இரண்டு முறை உயர்ந்த தங்கம் விலை!

தினந்தோறும் ஏற்ற இறக்கத்துடன் காணப்பட்டு வரும் தங்கம் விலை, நேற்று(மே.12) இரண்டு முறை குறைந்தது. அதன்படி அன்றைய தினத்தில் காலை தங்கம் கிராமுக்கு அதிரடியாக ரூ.165 குறைந்து, ஒரு கிராம் தங்கம் ரூ.8880க்கும், சவரனுக்கு ரூ. 1320 குறைந்து, ஒரு சவரன் தங்கம் ரூ.71,040க்கும் விற்பனை செய்யப்பட்டு வந்தது.

தொடர்ந்து பிற்பகல் தங்கம் விலை கிராமுக்கு ரூ.130 குறைந்து, ரூ.8,750க்கு விற்பனை செய்யப்பட்டது. அதே போல் சவரனுக்கு ரூ.1,040 குறைந்து  ரூ.70,000க்கு விற்பனை செய்யப்பட்டது. இதையடுத்து இன்று(மே.13) காலை தங்கம் விலை அதிகரித்தது. அதன்படி தங்கம் விலை கிராமுக்கு ரூ.15 உயர்ந்து ரூ.8 ஆயிரத்து 765 க்கும், சவரனுக்கு ரூ.120 உயர்ந்து ரூ.70 ஆயிரத்து 120-க்கும் விற்பனை செய்யப்பட்டது.

இந்த நிலையில் தங்கம் விலை இன்று மீண்டும் அதிகரித்துள்ளது. அதன்படி கிராமுக்கு ரூ. 8,765க்கு விற்பனை செய்யப்பட்டு வந்த தங்கம், மேலும் ரூ.90 உயர்ந்து ரூ.8,855-க்கு விற்பனை செய்யப்பட்டு வருகிறது. அதே போல் சவரன் ரூ.70,120க்கு விற்பனை செய்யப்பட்டு வந்த நிலையில், தற்போது ரூ.720 உயர்ந்து ரூ.70,840க்கு விற்பனையாகி வருகிறது.