தொடர்ந்து 2வது நாளாக சரிந்தது தங்கம் விலை - இன்றைய நிலவரம் என்ன?

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. ஏற்ற, இறக்கத்துடன் காணப்பட்டு வந்த தங்கம் விலை கடந்த அக்டோபர் மாதம் 30-ம் தேதி ஒரு சவரன் ரூ.59 ஆயிரத்தை கடந்து புதிய உச்சத்தை தொட்டது.

அதனை தொடர்ந்து நவம்பர் மாத தொடக்கத்தில் இருந்தே தங்கம் விலை ஏற்ற, இறக்கத்துடன் காணப்பட்டு வருகிறது. இதற்கிடையே, கடந்த 21ம் தேதி தங்கம் விலை 60 ஆயிரத்தை கடந்து மக்களை அதிர்ச்சியில் ஆழ்த்தியது. பின்னர் படிப்படியாக உயர்ந்து தங்கம் விலை 64 ஆயிரத்தை தொட்டது. கடந்த சில தினங்களாக தங்கம் விலை ஏற்ற இறக்கத்தை சந்தித்து வந்தது.

அந்த வகையில் நேற்று தங்கம் விலை சவரனுக்கு ரூ.1,280 குறைந்து விற்பனையானது. இந்த நிலையில், தங்கம் விலை, 2-வது நாளாக சரிவை சந்தித்துள்ளது. அதன்படி,சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.720 குறைந்து ரூ.66 ஆயிரத்து 480 விற்பனையாகி வருகிறது. ஒரு கிராம் ரூ.90 குறைந்து ரூ.8 ஆயிரத்து 310-க்கு விற்பனை செய்யப்பட்டு வருகிறது.

அதேபோல, வெள்ளியின் விலையும் சரிவை சந்தித்துள்ளது. இன்று ஒரு கிராமுக்கு ரூ.5 குறைந்து ரூ.103-க்கும், ஒரு கிலோ ரூ.1 லட்சத்து 03 ஆயிரத்துக்கும் விற்பனை செய்யப்பட்டு வருகிறது.