வார தொடக்கத்திலேயே அதிரடியாக குறைந்த தங்கம் விலை... இன்றைய நிலவரம் என்ன?

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. அந்த வகையில், கடந்த சில தினங்களுக்கு முன்பு விலை அதிரடியாக குறைந்த நிலையில் தங்கம் ஒரு சவரன் ரூ.65,800-க்கும் விற்பனை செய்யப்பட்ட நிலையில் படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது.

இதையும் படியுங்கள் : “தெறிக்கவிடலாமா?”… டெல்லியில் இன்று பத்மபூஷன் விருது பெறுகிறார் நடிகர் அஜித் குமார்?

இதனையடுத்து, தங்கம் விலை தொடர்ந்து ஏற்ற இறக்கத்தை சந்தித்து வந்தது. அந்த வகையில், தங்கம் விலை கடந்த 24ம் தேதி கிராமுக்கு ரூ.10 ரூபாய் குறைந்து ரூ.9,005க்கும், சவரனுக்கு ரூ.80 குறைந்து ரூ.72,040-க்கும் விற்பனை செய்யப்பட்டது. கடந்த மூன்று தினங்களாக தங்கம் விலையில் எந்த மாற்றமும் இன்றி ஒரு கிராம் ரூ.9,005க்கும், சவரன் ரூ.72,040க்கும் விற்பனை செய்யப்பட்டது.

தொடர்ந்து, தங்கம் விலை இன்று ஏறுமா அல்லது குறையுமா? என்ற எதிர்பார்க்கப்பட்டது. இந்த நிலையில், தங்கம் விலை இன்று அதிரடியாக குறைந்துள்ளது. அதன்படி, சென்னையில் ஆபரணத் தங்கத்தின் விலை கிராமுக்கு ரூ.65 குறைந்து ரூ.8,940க்கும், சவரனுக்கு ரூ.520 குறைந்து ரூ.71,520க்கும் விற்பனை செய்யப்படுகிறது.