நகை வாங்க ரெடியா? ஒரே நாளில் அதிரடியாக குறைந்த தங்கம் விலை... சவரன் ரூ.70,000க்கு கீழ் விற்பனை!

தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. அந்த வகையில், கடந்த சில தினங்களுக்கு முன்பு விலை அதிரடியாக குறைந்த நிலையில் தங்கம் ஒரு சவரன் ரூ.65,800-க்கும் விற்பனை செய்யப்பட்டது.

இதையும் படியுங்கள்  : திடீரென வந்த ஃபோன் கால்… திருமணத்தையே நிறுத்திய மணமகன்… நடந்தது என்ன?

படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது. இதனையடுத்து, தங்கம் விலை தொடர்ந்து ஏற்ற இறக்கத்தை சந்தித்து வந்தது. அந்த வகையில், தங்கம் விலை நேற்று கிராமுக்கு 50 ரூபாய் குறைந்து ரூ.8,805-க்கும் சவரனுக்கு 400 ரூபாய் குறைந்து ரூ.70,440-க்கும் விற்பனையானது.

இந்த நிலையில் தங்கம் விலை இன்று மீண்டும் குறைந்துள்ளது. அதன்படி,
சென்னையில் ஆபரணத் தங்கத்தின் விலை கிராமுக்கு ரூ.195 குறைந்து ரூ.8,610-க்கும், சவரனுக்கு ரூ.1,560 குறைந்து ரூ.68,880-க்கும் விற்பனையாகிறது. வெள்ளி விலை ரூ.1 குறைந்து ஒரு கிராம் ரூ.108-க்கும் பார் வெள்ளி ரூ.1,08,000க்கும் விற்பனை செய்யப்படுகிறது.