தங்கம் விலை மீண்டும் உயர்வு! – இன்றைய விலை நிலவரம் என்ன?

சென்னையில் இன்று ஆபரண தங்கம் விலை சவரனுக்கு ரூ.400 உயர்ந்து ரூ.55,200-க்கு விற்பனையாகிறது.

தென்னிந்தியாவில் அதிகளவிலான தங்கத்தை வைத்துள்ள மாநிலத்தில் தமிழ்நாடு முன்னிலையில் உள்ளது.  தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது.  சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது.

தங்கத்தின் விலை ஏறியும்,  இறங்கியும் வருவது வழக்கம்.  இதற்கிடையே கடந்த மாதத்தில் இருந்து தங்கம் விலை கிடுகிடுவென அதிகரித்து ஒரு சவரன் ரூ.55,000 கடந்தது.  தொடர்ந்து அதிகரித்து வரும் விலை, நடுத்தர மக்களிடையே பெரும் அதிர்ச்சியை ஏற்படுத்தி வருகிறது. சென்னையில் ஆபரணத்தங்கத்தின் விலை நேற்று முன்தினம் சவரனுக்கு ரூ. 640 உயர்ந்து ரூ.54, 800-க்கு விற்பனை செய்யப்பட்டது. தங்கம் கிராமுக்கு ரூ.80 உயர்ந்து ரூ. 6,850-க்கு விற்பனை செய்யப்பட்டது.

இதையும் படியுங்கள் : தொடர்மழை எச்சரிக்கை! சதுரகிரி கோயிலுக்கு செல்ல பக்தர்களுக்கு 5 நாட்கள் தடை!

அதன்படி, சென்னையில் ஆபரணத் தங்கத்தின் விலை இன்று கிராமுக்கு ரூ.50 உயர்ந்து ரூ.6,900க்கு விற்பனை செய்யப்படுகிறது.  சவரனுக்கு ரூ.400 உயர்ந்து ரூ.55,200க்கும் விற்பனை செய்யப்பட்டு வருகிறது.  இதனைத் தொடர்ந்து, வெள்ளி விலையும் அதிரடியாக உயர்ந்துள்ளது.  கிராமுக்கு ரூ.4.50 உயர்ந்து ஒரு கிராம் வெள்ளி ரூ.101-க்கு விற்பனை செய்யப்படுகிறது.