இயக்குநர் ராமின் ’ஏழு கடல் ஏழு மலை’ படத்தின் க்ளிம்ஸ் வீடியோ!

ராம் இயக்கத்தில் நிவின் பாலி நடித்துள்ள ஏழு கடல் ஏழு மலை திரைப்படத்தின் க்ளிம்ஸ் வீடியோ வரும் ஜனவரி 2-ம் தேதி மாலை வெளியாகும் என படக்குழு அறிவித்துள்ளது.

நீண்ட நாட்களுக்கு பின் ராம் இயக்கத்தில் நிவின் பாலி, அஞ்சலி, சூரி நடித்திருக்கும் திரைப்படம் ஏழு கடல் ஏழு மலை. யுவன் சங்கர் ராஜா இசையமைக்கும் இத்திரைப்படத்திற்கு ஏகாம்பரம் ஒளிப்பதிவு செய்துள்ளார். மாநாடு படத்தைத் தொடர்ந்து தயாரிப்பாளர் சுரேஷ் காமாட்சி தனது வி ஹவுஸ் புரொடக்‌ஷன்ஸ் சார்பில் இப்படத்தை தயாரிக்கிறார்.

Catch a glimpse of immortal love in #YezhuKadalYezhuMalai on January 2nd at 5:01 PM!#DirectorRAM @sooriofficial@yoursanjali@thisisysr@sureshkamatchi @VHouseProd_Offl@eka_dop pic.twitter.com/AdpGyeJT7Z

— Nivin Pauly (@NivinOfficial) December 26, 2023

காதலை மையமாகக் கொண்டு உருவான இப்படம் 53வது ரோட்டர்டாம் உலகத் திரைப்பட விழாவுக்குத் தேர்வாகியுள்ளது. ஜன. 25 முதல் பிப். 4 வரை நடைபெறவுள்ள இந்தப் பட விழாவில் பிக் ஸ்க்ரீன்போட்டி பிரிவுக்கு இத்திரைப்படம் தேர்வாகி உள்ளது. இந்நிலையில் படத்தின் புதிய க்ளிம்ஸ் வீடியோ வரும் ஜனவரி 2ம் தேதி மாலை 5 மணிக்கு வெளியாகும் என படக்குழு அறிவித்துள்ளது.