நெல்லையில் பட்டியலின இளைஞர்களை தாக்கிய கஞ்சா போதை கும்பல்; 6 பேரை கைது செய்து போலீசார் விசாரணை...
நெல்லையில் பட்டியலின இளைஞர்கள் இருவரை தாக்கிய கஞ்சா போதை கும்பலைச் சேர்ந்த 6 பேரை போலீசார் கைது செய்துள்ளனர்.
திருநெல்வேலி மாவட்டம் மணிமூர்த்தீஸ்வரம் பகுதியைச் சேர்ந்த இருவர் கடந்த 30 ஆம் தேதி தாமிரபரணி ஆற்றங்கரை ஓரம் குளிப்பதற்காக சென்று உள்ளார்கள். குளித்துவிட்டு வீடு திரும்பி கொண்டிருந்த போது அங்கு வந்த 6 பேர் கொண்ட மர்ம கும்பலானது பயங்கர ஆயுதலுடன் அவர்களை தாக்கி அவர்களிடத்தில் இருந்து செல்போன் மற்றும் பணத்தை பறித்துள்ளார்கள்.
அதனை தொடர்ந்து பொன்னுமணியை கைது செய்து, அவர்களுடைய நண்பர்களான நல்லமுத்து, ராமர், சிவா, லட்சுமணன் உள்ளிட்ட 6 பேரையும் தச்சநல்லூர் போலீசார் கைது செய்துள்ளனர். இது மட்டும் இல்லாமல் அவர்கள் மீது வன்கொடுமை தடுப்பு சட்டம் உட்பட பல்வேறு வழக்கு பதிவு செய்யப்பட்டுள்ளது.
தற்போது படுகாயம் அடைந்த இரு இளைஞர்களுக்கும் மருத்துவமனையில் சிகிச்சை அளிக்கப்பட்டு வருகிறது. நெல்லை மாவட்டத்தில் அவ்வப்போது இது போன்ற சம்பவங்கள் அரங்கேறி வரும் நிலையில் தற்போது மீண்டும் இது போன்ற கொடூரம் அரங்கேறியது மிகவும் அதிர்ச்சி ஏற்படுத்தியுள்ளது.
