ஜி.வி. பிரகாஷ் குமாரின் ஹாப்பி ராஜ் பட ஃப்ர்ஸ்ட்லுக் வெளியீடு...!

தமிழ் சினிமாவின் முன்னணி இசையமைப்பாளர்களில் ஒருவர் ஜி.வி.பிரகாஷ் 2 குமார். இவர் இசை மட்டுமின்றி நடிப்பிலும் கவனம் செலுத்தி வருகிறார். அந்த வகையில் இவர் நடிப்பில் வெளியான டார்லிங், திரிஷா இல்லனா நயன்தாரா ஆகிய படங்கள் ரசிகர்கள் மத்தியில் நல்ல வரவேற்பை பெற்றது. இந்த நிலையில் தற்போது ஜி.வி. பிரகாஷ் 'ஹாப்பி ராஜ்' என்னும் புதிய திரைப்படத்தில் நடித்து வருகிறார். இப்படத்தை அறிமுக இயக்குனரான மரியா ராஜா இளஞ்செழியன் இயக்குகிறார். இவர் பிரதீப் ரங்கநாதனின் 'லவ் டுடே' படத்தில் உதவி இயக்குநராக பணியாற்றியவர்.

நடிகர் அப்பாஸ் இந்த படத்தின் மூலம் 11 வருடங்களுக்குப் பிறகு தமிழ் சினிமாவிற்கு கம்பேக் கொடுக்கிறார். மேலும் இந்தப் படத்தில் ஜிவி பிரகாஷ்-க்கு ஜோடியாக ஸ்ரீ கௌரி பிரியா நடிக்கிறார். இப்படத்தை பியாண்ட் பிக்சர்ஸ் (Beyond Pictures) நிறுவனம் தயாரிக்கிறது. ரொமாண்டிக் காமெடி படமாக உருவாகும் இப்படத்திற்கு ஜஸ்டின் பிரபாகரன் இசையமைக்கிறார்.

நேற்று இப்படத்தின் டைடல் போஸ்டர் வெளியிடப்பட்டது. இந்த நிலையில் தற்போது இப்படத்தின் ஃப்ர்ஸ்ட்லுக் போஸ்டர் வெளியாகியுள்ளது.