'புஷ்பா 2' படத்தில் நடிகை ஸ்ரீலீலா நடனமாடும் பாடலின் பெயர் அறிவிப்பு!
அல்லு அர்ஜுன் நடிப்பில் உருவாகியுள்ள 'புஷ்பா-2' திரைப்படத்தின் 'கிஸ்சிக்' பாடலுக்கு நடிகை ஸ்ரீலீலா நடனமாடுகிறார் என படக்குழு அறிவித்துள்ளது.
தெலுங்கு திரை உலகில் முன்னணி நடிகராக இருந்துவரும் அல்லு அர்ஜுன் நடிப்பில் கடந்த 2021-ம் ஆண்டு வெளியாகி, வசூல் ரீதியாகவும், விமர்சனம் ரீதியாகவும் மிகப்பெரிய வெற்றி பெற்ற திரைப்படம் 'புஷ்பா தி ரைஸ்'. இப்படத்தின் வெற்றியைத் தொடர்ந்து, தற்போது இதன் இரண்டாம் பாகமாக 'புஷ்பா 2 தி ரூல்' திரைப்படம் உருவாகி வருகிறது.
'புஷ்பா 2 தி ரூல்' திரைப்படத்தின் டீசரும் அதனைத் தொடர்ந்து திரைப்படத்தின் பாடல்களின் லிரிக் வீடியோவும் வெளியாகி வைரலாகின. 'புஷ்பா' படத்தில் 'ஊ சொல்றியா' என்ற பாடலுக்கு சமந்தா நடனமாடி இருந்தார். அடுத்ததாக, புஷ்பா -2 திரைப்படத்தில் யார் அப்படி நடனமாடுவார் என எதிர்பார்க்கப்பட்டது. அதற்கு ஷ்ரத்தா கபூர் தேர்வு செய்யப்படுவார் என்று ஆரம்பத்தில் வதந்திகள் பரவியநிலையில், நடிகை ஸ்ரீலீலா ஒப்பந்தமாகி இருக்கிறார்.
இதையும் படியுங்கள் : நடிகர் டெல்லி கணேஷ் மறைவு – பிரதமர் நரேந்திர மோடி இரங்கல்!
இது தொடர்பான புகைப்படமும் சமீபத்தில் இணையத்தில் கசிந்து வைரலானது. இந்நிலையில், அந்த பாடலுக்கான தலைப்பை படக்குழு வெளியிட்டுள்ளது. அதன்படி, இப்பாடலுக்கு 'கிஸ்சிக்' என பெயரிடப்பட்டுள்ளது. 'புஷ்பா 2 தி ரூல்' திரைப்படம் அடுத்த மாதம் 5ம் தேதி உலகளவில் வெளியாகவுள்ளது குறிப்பிடத்தக்கது.
