2025ம் ஆண்டு பிப். மாதம் சிறப்பு வாய்ந்தது என வைரலாகும் பதிவு - உண்மை என்ன?

This News Fact Checked by ‘Vishvas News’

2025 ஆம் ஆண்டின் பிப்ரவரி மாதம் தொடர்பாக சமூக ஊடகங்களில் ஒரு கூற்று முன்வைக்கப்படுகிறது. இந்த பிப்ரவரி மாதம் மிகவும் சிறப்பு வாய்ந்தது என்று கூறும் ஒரு பதிவை பிற சமூக ஊடக தளங்களில் பல பயனர்கள் பகிர்ந்து வருகின்றனர். அதன்படி பிப்ரவரியில், வாரத்தின் ஒவ்வொரு நாளும் நான்கு முறை வருகிறது என காலண்டரின் நாள்களை பகிர்ந்து வருகின்றனர்.

விஸ்வாஸ் நியூஸ், அதன் உண்மை குறித்து நடத்திய விசாரணையில், பரப்பப்படும் கூற்று முற்றிலும் கற்பனையானது என்பதைக் கண்டறிந்துள்ளது. பொதுவாகவே ஒவ்வொரு வருடத்தின் ஒவ்வொரு மாதத்திலும் நாட்கள் நான்கு முறை வருகிறது, அதே சமயம் லீப் வருடங்களில்தான் பிப்ரவரி மாதம் 29 நாட்களைக் கொண்டிருப்பதால் ஒருநாள் மட்டும் ஐந்து நாட்கள் வரும். எனவே இந்தக் கூற்று முற்றிலும் தவறானது.

வைரல் பதிவு :

இந்த வைரல் பதிவை ஃபேஸ்புக் பயனர் பகிர்ந்து  "இந்த ஆண்டு பிப்ரவரி மாதம் உங்கள் வாழ்க்கையில் மீண்டும் ஒருபோதும் வராத ஒரு "அதிசயம்" என்று எழுதினார். "4 ஞாயிற்றுக்கிழமைகள், 4 திங்கள், 4 செவ்வாய், 4 புதன், 4 வியாழன், 4 வெள்ளி மற்றும் 4 சனிக்கிழமைகள் உள்ளன. இது எப்போது நடக்கும் என்று எனக்குத் தெரியவில்லை." பதிவின் காப்பகப்படுத்தப்பட்ட பதிப்பை இங்கே காண்க

உண்மை சரிபார்ப்பு :

சமூக வலைதளங்களில் வைரலாகும் செய்தி குறித்த உண்மைத் தன்மையை விசாரணைக்கு உட்படுத்தியதில் இந்த ஆண்டு பிப்ரவரியில் முதலில் சோதித்தோம். இந்த ஆண்டு பிப்ரவரியில் ஒவ்வொரு நாளும் நான்கு முறை நிகழ்வதைக் கண்டறிந்தோம்.

இதற்குப் பின்னால் உள்ள காரணத்தைக் கண்டுபிடிக்க முயன்றபோது, ​​ஒவ்வொரு ஆண்டும், லீப் வருடங்களைத் தவிர, பிப்ரவரி மாதத்தில் 28 நாட்கள் இருப்பதையும், ஒரு முழு வாரம் ஏழு நாட்களைக் கொண்டிருப்பதையும்  கண்டறிந்தோம் , அதாவது ஒவ்வொரு நாளும் நான்கு முறை மட்டுமே வரும்.

இதற்கிடையில், நாம் லீப் ஆண்டுகளைப் பற்றிக் கணக்கிட்டால், கடந்த பிப்ரவரி மாதத்தில் 29 நாட்கள் உள்ளன, இதன் காரணமாக சில நாட்கள் ஐந்து முறை வருகின்றன.

பிப்ரவரி மாதம், லீப் வருடங்களைத் தவிர்த்து, வழக்கமாக 28 நாட்களைக் கொண்டிருக்கும், அதில் ஒரு வாரத்தில் ஏழு நாட்கள் இருக்கும், மேலும் ஏழு நாட்களை நான்கால் வகுத்தால், 28 கிடைக்கிறது. அதாவது ஒவ்வொரு நாளும் நான்கு முறை வரும் என்பது கவனிக்கத்தக்கது.

இந்த வைரல் பதிவை சரிபார்க்க புள்ளியியல் நிபுணர் பல்தேவ் சிங்கை நாங்கள் தொடர்பு கொண்டு அதை அவரிடம் பகிர்ந்து கொண்டோம். இந்தக் கூற்று முற்றிலும் தவறானது என்றும், இது நான்கு ஆண்டுகளுக்கு ஒருமுறை பிப்ரவரி மாதத்தில் நிகழ்கிறது என்றும் அவர்கள் எங்களிடம் உறுதிப்படுத்தினர்.

முடிவு:

பிப்ரவரி மாதம் மிகவும் சிறப்பு வாய்ந்தது என்றும் இந்த மாதத்தில் ஒவ்வொரு நாளும் 4முறை வருவதாக சமூக ஊடக தளங்களில் பல பயனர்கள் பகிர்ந்தனர். அதன்படி விஸ்வாஸ் நியூஸ் நடத்திய உண்மை சரிபார்ப்பில் பிப்ரவரி மாதத்தில் வாரத்தின் ஒவ்வொரு நாளும் நான்கு முறை வருகிறது என்பது இயல்பான ஒன்று அவர்கள் சொல்வதுபோல் அதிசய நிகழ்வு ஒன்றும் இல்லை என்றும் பரப்பப்படும் கூற்று முற்றிலும் கற்பனையானது என்பதைக் கண்டறிந்துள்ளது.

Note : This story was originally published by ‘Vishvas News’ and Translated by ‘News7 Tamil’ as part of the Shakti Collective.