’டிராகன்’ படத்தின் டிரெய்லர் எப்போது? வெளியான அப்டேட்!

ஓ மை கடவுளே திரைப்படத்தை இயக்கிய அஸ்வத் மாரிமுத்து அடுத்ததாக டிராகன் திரைப்படத்தை இயக்கியுள்ளார். இப்படத்தில் பிரதீப் ரங்கநாதன் கதாநாயகனாக நடித்துள்ளார். இதில் பிரதீப் உடன் அனுபமா பரமேஸ்வரன், விஜே சித்து, ஹர்ஷத், மற்றும் மிஷ்கின், வாசு தேவ் மேனன் உள்ளிட்ட பலர் நடித்துள்ளனர்.

லியோன் ஜேம்ஸ் இசையமைத்துள்ள இப்படத்திற்க்கு நிக்கேத் பூமிரெட்டி ஒளிப்பதிவு செய்துள்ளார். இப்படத்தை ஏ.ஜி.எஸ் நிறுவனம் தயாரித்துள்ளது. கல்லூரி கதையை மையமாக கொண்டு எடுக்கப்பட்ட இப்படம் அடுத்த மாதம் பிப்ரவரி 21ஆம் தேதி திரையரங்குகளில் வெளியாக உள்ளது.

சமீபத்தில் இப்படத்தின் 3 பாடல்கள் வெளியாகி மக்களிடையே நல்ல வரவேற்பை பெற்றது. இந்த நிலையில், இப்படத்தின் டிரெய்லர் குறித்த அறிவிப்பு வெளியாகி உள்ளது.  அதன்படி இப்படத்தின் டிரெய்லர் நாளை மாலை 5 மணிக்கு வெளியாக உள்ளாக படக்குழு அறிவித்துள்ளது. இந்த அப்டேட் ரசிகர்களிடையே எதிர்பார்ப்பை அதிகரித்துள்ளது.