'பேபி ஜான்' படத்திற்கு பின் அட்லீ தயாரிக்கும் அடுத்த படத்தின் ஹீரோ இவரா?

பாலிவுட்டில் பேபி ஜான் திரைப்படத்தை தொடர்ந்து அட்லீ தயாரிக்கும் அடுத்த படத்தின் ஹீரோ குறித்த தகவல் வெளியாகியுள்ளது. 

'ராஜா ராணி' படத்தின் மூலம் இயக்குநராக அறிமுகமானவர் அட்லீ. அந்த படம் ரசிகர்கள் மத்தியில் நல்ல வரவேற்பை பெற்றது. அதனை தொடர்ந்து அவர் தெறி, மெர்சல், பிகில் போன்ற பல ஹிட்டான படங்களை கொடுத்தார். இதன் முலம் தமிழ் சினிமாவில் ஒரு புகழ் பெற்ற இயக்குநராக அவர் வலம் வருகிறார். இவர் படத்தை இயக்குவதுடன் தயாரிப்பாளராகவும் உள்ளார்.

இவர் 'பேபி ஜான்' படத்தின் மூலம் பாலிவுட்டில் களம் இறங்கினார். பேபி ஜான் திரைப்படமானது பாலிவுட்டில் அவர் தயாரித்த முதல் படமாகும். இந்த திரைப்படமானது விஜய் மற்றும் சமந்தா நடிப்பில் வெளியாகி செம்ம ஹிட் அடித்த தெறி படத்தின் ரீமேக் திரைப்படமாகும். இந்த படமானது எதிர்பார்த்த வரவேற்பை பெறாமல் வசூலில் தோல்வி அடைந்தது.

அதனை அடுத்து அட்லீ பாலிவுட்டில் தயாரிக்கும் இரண்டாவது படம் குறித்து தகவல் வெளியாகி உள்ளது. அந்த தகவலின் படி, அட்லீ தயாரிக்க உள்ள அடுத்த படத்தின் ஹீரோவாக ஷாகித் கபூர் நடிக்க உள்ளதாக கூறப்படுகிறது. இது குறித்து அதிகாரபூர்வ அறிவிப்பு விரைவில் வெளியாகும் என எதிர்பார்க்கப்படுகிறது.