'மஞ்சும்மல் பாய்ஸ்' தெலுங்கில் எப்போது வெளியாகிறது தெரியுமா?

மஞ்சும்மல் பாய்ஸ் திரைப்படம் ஏப்ரல் 6 ஆம் தேதி, தெலுங்கு மொழியில் திரையரங்குகளில் வெளியாகிறது.

சிதம்பரம் இயக்கத்தில் சௌபின் ஷாஹிர்,  ஸ்ரீநாத் பாசி,  பாலு வர்கீஸ் உள்ளிட்ட பலர் நடிப்பில் கடந்த பிப்ரவரி 22 ஆம் தேதி வெளியான மலையாளப் படம்  ‘மஞ்சும்மல் பாய்ஸ்’. பரவா பிலிம்ஸ் தயாரிப்பில் உருவாகியுள்ள இப்படத்திற்கு சுஷின் ஷ்யாம் இசையமைத்திருந்தார்.  இப்படம் கொடைக்கானலில் நடந்த உண்மைச் சம்பவத்தைத் தழுவி எடுக்கப்பட்டது.

2006 ஆம் ஆண்டு கொடைக்கானலுக்கு சுற்றுலா வரும் கேரள இளைஞர்கள்,  ஒரு இக்கட்டான சூழ்நிலையில் சிக்கி அதிலிருந்து எப்படி மீள்கின்றனர் என்ற சம்பவத்தை அடிப்படையாகக் கொண்டு உருவாக்கப்பட்டிருந்தது.  சர்வைவல் த்ரில்லர் ஜானரில் வெளியான கேரளா மற்றும் தமிழ் ரசிகர்களிடையே  நல்ல வரவேற்பைப் பெற்றது.

குணா குகையில் நடக்கும் கதை என்பதால் கமல் நடித்த குணா பட பாடலான ‘கண்மணி அன்போடு காதலன்…’ பாடலை படக்குழு படத்தில் முக்கியமான இடத்தில் பயன்படுத்தியிருந்தது.

அது தமிழ் ரசிகர்களிடம் பெரும் வரவேற்பை பெற்றது.  மேலும் தமிழ்நாட்டிலும் சென்னை,  கோவை உள்ளிட்ட பல்வேறு நகரங்களில் படத்தை திரையிட திரையரங்குகள் அதிகரிக்கப்பட்டது.  மஞ்சுமேல் பாய்ஸ் உலக அளவில் ரூ.200 கோடி வசூல் செய்த முதல் மலையாளப் படம் என்ற பெருமையைப் பெற்றது.

வெள்ளித் திரையில் கிடைத்த மிகப் பிரம்மாண்ட வரவேற்பை தொடர்ந்து மஞ்சும்மல் பாய்ஸ் திரைப்படம் வருகிற ஏப்ரல் 5-ம் தேதி டிஸ்னி ப்ளஸ் ஹாட்ஸ்டார் ஓடிடி தளத்தில் ரிலீஸ் ஆகும் என அதிகாரப்பூர்வமாக அறிவிக்கப்பட்டு உள்ளது.  இந்த நிலையில் இத்திரைப்படம் வரும் ஏப்ரல் 6 ஆம் தேதி, தெலுங்கு மொழியில் திரையரங்குகளில் வெளியாகும் என படக்குழு அறிவித்துள்ளது.