டிஜிட்டல் தளங்கள் நம்பகத்தன்மையை உறுதி செய்ய வேண்டும் - பிரதமர் மோடி குறித்த ‘ஜெமினி ஏஐ’ கருத்துக்கு மத்திய அரசு அறிவுறுத்தல்!

மத்திய தகவல் தொழில்நுட்பம் மற்றும் மின்னணுவியல் துறை இணையமைச்சரான ராஜிவ் சந்திரசேகர், கூகுளின் ஜெமினி அளித்த பதில், இந்தியாவின் தகவல் தொழில்நுட்ப விதிகள் மற்றும் குற்றவியல் சட்டத்தின் பல விதிகளை நேரடியாக மீறுவதாக உள்ளது என்று எச்சரித்தார்.

இதற்கு கூகுள் தரப்பு உடனடியாக அளித்த விளக்கத்தில், ”ஜெமினி ஒரு படைப்பாற்றல் மற்றும் உற்பத்தித்திறன் கருவியாக உள்ளது. தற்போதைய நிகழ்வுகள், அரசியல் தலைப்புகள் அல்லது செய்திகள் பற்றிய சில தூண்டுதல்களுக்கு பதிலளிக்கும்போது நம்பகமானதாக இருக்காது" என்று தெரிவித்துள்ளது. மேலும் ஜெமினியை தொடர்ந்து மேம்படுத்துவதில் பணியாற்றி வருவதாகவும் தெரிவித்துள்ளது.

Govt has said this bfr- I repeat for attn of @GoogleIndia.

➡️Our DigitalNagriks are NOT to be experimented on with "unreliable" platforms/algos/model⛔️

➡️Safety & Trust is platforms legal obligation✅️

➡️"Sorry Unreliable" does not exempt from law⛔️https://t.co/LcjJZmZ3Qp

— Rajeev Chandrasekhar 🇮🇳 (@Rajeev_GoI) February 24, 2024

ஆனால், கூகுளின் பதிலை ஏற்காத மத்திய இணையமைச்சர் ராஜீவ் சந்திரசேகர் ‘எக்ஸ்’ தளத்தில் வெளியிட்ட பதிவு:

“மனித உரிமைகள் மற்றும் கண்ணியத்தை மதிக்கும் நேர்மறையான டிஜிட்டல் சூழலில் பங்குகொள்ளும் இந்திய குடிமக்களை, நம்பகத்தன்மை இல்லாத தளங்கள் மூலம் பரிசோதனை செய்யக் கூடாது. பாதுகாப்பு மற்றும் நம்பகத்தன்மையை உறுதி செய்வது டிஜிட்டல் தளங்களின் சட்டபூர்வ கடமை. அந்தத் தளங்கள் நம்பகமானதல்ல என்று கூறி சட்டத்திட்டத்தில் இருந்து தப்பிக்க முடியாது என்று ஏற்கெனவே மத்திய அரசு தெரிவித்துள்ளது. இதை கூகுள் நிறுவனத்தின் கவனத்துக்கு திரும்பக் கூறுகிறேன்” என்று பதிலளித்துள்ளார்.