யூடியூப் பார்த்து டயட்... 18 வயது இளம்பெண் உயிரிழப்பு... கேரளாவில் அதிர்ச்சி!

கேரள மாநிலம் கன்னூர் மாவட்டத்தை சேர்ந்தவர் ஸ்ரீநந்தா (வயது 18). இவரது உடல் எடை அண்மை காலங்களில் அதிகாித்ததாக சொல்லப்படுகிறது. இதனையடுத்து அவர் தனது உடல் எடையை குறைக்க முடிவு செய்தார். இதற்காக அவர் தொடர்ந்து யூடியூப் வீடியோக்களை பார்த்து வந்ததாக கூறப்படுகிறது. அவர் இது தொடர்பான வீடியோக்களை தேடி, அதில் கூறுவது போல் உணவு பழக்கத்தை மாற்றி உள்ளதாக தெரிகிறது. இவர் கடந்த 6 மாதங்களாக தண்ணீர் உணவுகளையே எடுத்து வந்தார். இதனையடுத்து, அவரது உடல் எடை வெகுவாக குறைந்தது.

இதற்கிடைய, ஸ்ரீநந்தாவுக்கு திடீர் உடல் நலக்குறைவும் ஏற்பட்டது. ஒரு கட்டத்தில் அவரது உடல் நிலை மிகவும் மோசமானதாக கூறப்படுகிறது. இதனால் அச்சமடைந்த அவரது குடும்பத்தினர், அவரை கோழிக்கோடு மருத்துவ கல்லூரி மருத்துவமனையில் சேர்த்தனா். அங்கு அவருக்கு தீவிர சிகிச்சை அளிக்கப்பட்டு வந்தது. இந்த நிலையில் வென்டிலேட்டர் உதவியுடன் சிகிச்சை பெற்று வந்த ஸ்ரீநந்தா சிகிச்சை பலனின்றி பரிதாபமாக உயிரிழந்தார்.

இதுகுறித்து மருத்துவர்கள் கூறுகையில், ஸ்ரீநந்தா தொடர்ந்து உடல் எடையை குறைக்க குறைந்தளவு உணவு சாப்பிட்டு டயட் கன்ட்ரோல் செய்து வந்ததால் குடல் சுறுங்கியதாகவும், அதன் காரணமாக ஸ்ரீநந்தா உயிரிழந்ததாகவும் கூறினா். யூடியூப் பார்த்து டயட் மெயின்டெயின் செய்த இளம் பெண், உயிரிழந்த சம்பவம் கேரளாவில் அதிர்ச்சியை ஏற்படுத்தியுள்ளது.