இந்தியாவிற்கான யுரேனியம் ஏற்றுமதியை ரஷ்ய அரசாங்கம் தடை செய்ததா? உண்மை என்ன?

This News Fact Checked by ‘Factly’

ரஷ்ய அரசாங்கம் இந்தியாவிற்கு செறிவூட்டப்பட்ட யுரேனியத்தை ஏற்றுமதி செய்ய தடை விதித்ததாக இணையத்தில் பதிவு ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.

அமெரிக்கா, ஜெர்மனி, பிரான்ஸ் ஆகிய நாடுகளுடன் இணைந்து இந்தியாவுக்கு செறிவூட்டப்பட்ட யுரேனியத்தை ஏற்றுமதி செய்வதை ரஷ்யா தடை செய்துள்ளது என்று சமூக ஊடகங்களில் ஒரு பதிவு (இங்கே, இங்கே மற்றும் இங்கே) பரவலாகப் பகிரப்படுகிறது.

இது தொடர்புடைய முக்கிய வார்த்தைகளைப் பயன்படுத்தி கூகுளில் தேடப்பட்டதில், 15 நவம்பர் 2024 அன்று ரஷ்ய அரசாங்கத்தால் வெளியிடப்பட்ட அதிகாரப்பூர்வ அறிக்கை (காப்பகம்) கிடைத்தது. அமெரிக்கா அல்லது அமெரிக்க அதிகார வரம்பிற்கு உட்பட்ட நிறுவனங்களுக்கு செறிவூட்டப்பட்ட யுரேனியத்தை ஏற்றுமதி செய்வதில் ரஷ்யா தற்காலிகக் கட்டுப்பாடுகளை விதித்துள்ளதாக அந்த அறிக்கையில் குறிப்பிடப்பட்டுள்ளது. தொழில்நுட்ப மற்றும் ஏற்றுமதி கட்டுப்பாட்டுக்கான ஃபெடரல் சேவையால் வழங்கப்பட்ட ஒரு முறை உரிமத்தால் அங்கீகரிக்கப்பட்ட டெலிவரிகளுக்கு விதிவிலக்குகள் வழங்கப்படும் எனவும் அந்த அறிக்கையில் கூறப்பட்டுள்ளது. மேலும், 2024-2027 க்கு அமெரிக்கா விதித்த கட்டுப்பாடுகள் மற்றும் 2028-ம் ஆண்டு முதல் ரஷ்ய யுரேனியம் பொருட்களின் இறக்குமதிக்கு முழுமையான தடை விதிக்கும் வகையில் ஜனாதிபதி விளாடிமிர் புதினின் அறிவுறுத்தலின் பேரில் இந்த முடிவு எடுக்கப்பட்டுள்ளதாகவும் அறிக்கையில் தெரிவிக்கப்பட்டுள்ளது. இதுகுறித்து புகாரளிக்கும் செய்திகளை இங்கே மற்றும் இங்கே காணலாம்.

இருப்பினும், ரஷ்ய அரசாங்கத்தால் வெளியிடப்பட்ட ஆணையில் (காப்பகம்) இந்தியா, ஜெர்மனி அல்லது பிரான்சுக்கு செறிவூட்டப்பட்ட யுரேனியத்தை ஏற்றுமதி செய்வதற்கான தடை எதுவும் குறிப்பிடப்படவில்லை. கூடுதலாக, ராய்ட்டர்ஸின் கூற்றுப்படி, ரஷ்யாவின் அரசு அணுசக்தி நிறுவனமான ரோசாட்டம், தனது அனைத்து வாடிக்கையாளர்களுக்கும் வழக்கம் போல் யுரேனியத்தை வழங்குவதைத் தொடர்ந்து தெளிவுபடுத்தியது. சிறப்பு ஆட்சியின் கீழ் அமெரிக்காவிற்கு விநியோகம் சாத்தியமாகும்.

ரஷ்யா உலகின் ஆறாவது பெரிய யுரேனியம் உற்பத்தியாளராக உள்ளது மற்றும் உலகளாவிய யுரேனியம் செறிவூட்டல் திறனில் சுமார் 44% ரஷ்யாவால் கட்டுப்படுத்துகிறது. 2023-ம் ஆண்டில், அமெரிக்காவும், சீனாவும், ரஷ்ய யுரேனியத்தை அதிக அளவில் இறக்குமதி செய்தன. அதைத் தொடர்ந்து தென் கொரியா மற்றும் பிரான்ஸ் நாடுகளும் இறக்குமதி செய்தன. மேலும், ஜூலை 2024 முதல், ரஷ்யாவும், இந்தியாவும் இந்தியாவின் அணு மின் நிலையங்களுக்கு ஆதரவளிக்க நீண்ட கால யுரேனியம் வழங்கல் ஒப்பந்தத்தை இறுதி செய்யும் நோக்கில் செயல்படுவதாகக் கூறியது.

முடிவு:

அமெரிக்காவிற்கு மட்டும் செறிவூட்டப்பட்ட யுரேனியத்தை ஏற்றுமதி செய்ய ரஷ்ய அரசாங்கம் தற்காலிக கட்டுப்பாடுகளை விதித்துள்ளது உறுதி செய்யப்பட்டது.

Note : This story was originally published by ‘Factly’ and translated by ‘News7 Tamil’ as part of the Shakti Collective.