LDF வேட்பாளரின் விளம்பரத்தால் சுப்ரபாதம் நாளிதழ் சந்தாதாரர்களை இழந்ததா? உண்மை என்ன?

This news Fact Checked by Newsmeter

பாலக்காடு சட்டமன்ற தேர்தலின்போது, எல்.டி.எஃப் வேட்பாளர் கொடுத்த விளம்பரத்தால் சுப்ரபாதம் நாளிதழ் பல சந்தாதாரர்களை இழந்துவிட்டதாக பதிவு ஒன்று வைரலாகி வருகிறது. இதுகுறித்த உண்மை சரிபார்ப்பை காணலாம்.

கேரள மாநிலம் பாலக்காடு சட்டசபை தேர்தலில் சுப்ரபாதம் நாளிதழில் எல்.டி.எப் வேட்பாளர் விளம்பரம் பெரும் சர்ச்சையை ஏற்படுத்தியது. இதைத் தொடர்ந்து அந்த நாளிதழ் சந்தாதாரர்களை இழந்துவிட்டதாக சமூக வலைதளங்களில் பிரச்சாரம் செய்யப்பட்டது. 'சுப்ரபாதம் 62,000 சந்தாதாரர்களை இழந்துவிட்டது' என்ற தலைப்புடன் மீடியா ஒன் செய்தி அட்டை வடிவில் பிரச்சாரம் செய்யப்பட்டதாக கூறப்படுகிறது.

உண்மைச் சரிபார்ப்பு:

விசாரணையில் இந்த பிரச்சாரம் அடிப்படையற்றது என்றும், மீடியாஒன் அத்தகைய செய்தி அட்டையை வெளியிடவில்லை என்றும் தெரியவந்தது.

புழக்கத்தில் இருக்கும் செய்தி அட்டை முக்கிய செய்தி வாக்கியத்தின் பின்னணியில் வேறு சில எழுத்துக்கள் இருப்பது தெரிகிறது. பயன்படுத்தப்பட்ட எழுத்துருவில் உள்ள வேறுபாடு உள்ளிட்ட காரணிகள் அது திருத்தப்பட்டு தயாரிக்கப்பட்டிருக்கலாம் என்பதைக் குறிக்கிறது. கார்டில் கொடுக்கப்பட்ட தேதியில் மீடியாஒன் பகிர்ந்த செய்தி அட்டைகளை சரிபார்த்தபோது, இதனுடன்அசல் அட்டை கண்டுபிடிக்கப்பட்டது.

அந்தச் செய்தி சர்ச்சைக்குரிய விளம்பரம் தொடர்பானது. இச்சம்பவம் குறித்து அமைச்சர் எம்.பி.ராஜேஷ் உள்ளிட்ட மார்க்சிஸ்ட் கம்யூனிஸ்ட் கட்சித் தலைவர்களின் நிலைப்பாட்டை மாற்றியது தொடர்பாக மீடியாஒன் செய்தி அட்டையைப் பகிர்ந்துள்ளது. இது தொடர்பான விரிவான தகவல்கள் பகிரப்பட்டுள்ளன. செய்தி மற்றும் சேனலின் இணையதளத்தில் வெளியிடப்பட்டிருப்பதைக் காணலாம்.

இந்த செய்தி அட்டையை மாற்றியமைத்து புழக்கத்தில் உள்ள அட்டை தயார் செய்யப்பட்டுள்ளது என்பது தெளிவாகிறது. "CPM" என்ற முக்கிய செய்தித் தலைப்பு அழிக்கப்பட்டு, அதற்கு பதிலாக பரப்பப்பட்ட உள்ளடக்கத்துடன் மாற்றப்பட்டது. “பிக் பிரேக்கிங்” என்ற தலைப்பு இட்டிருப்பதை காணலாம்.

இறுதி உறுதிப்படுத்தலுக்காக மீடியாஒன் நிறுவனம் தொடர்புகொள்ளப்பட்டது. கார்டு எடிட் செய்யப்பட்டு பரப்பப்பட்டது என்றும், சுப்ரபாதத்திற்கு எதிராக மீடியாஒன் எந்த தளத்திலும் இதுபோன்ற செய்திகளை வெளியிடவில்லை என்றும் அவர்கள் தெளிவுபடுத்தினர்.

முடிவு:

இந்த பிரச்சாரம் அடிப்படையற்றது என்பதும், மீடியாஒன் அத்தகைய செய்தியை வழங்கவில்லை என்பதும் தெளிவாகிறது.

Note : This story was originally published by Newsmeter and Translated by ‘News7 Tamil’ as part of the Shakti Collective.