மகாசிவராத்திரியில் ஒரு பெண்ணுடன் சத்குரு தகாத முறையில் நடனம் ஆடினாரா? - வைரலான கூற்றின் பின்னணி என்ன?

This News Fact Checked by ‘Telugu Post’

மகாசிவராத்திரி கொண்டாட்டங்கள் கோவை வெள்ளியங்கிரி மலையடிவாரத்தில் உள்ள  ஈஷா யோகா மையத்தில் நடைபெற்றன. அங்கு லட்சக்கணக்கானோர் இரவு முழுவதும் ஆன்மீக அமர்வுகள், இசை மற்றும் தியானம் ஆகியவற்றுடன் மகாசிவராத்திரி விழாவை கொண்டாடினர். மத்திய உள்துறை அமைச்சர் அமித் ஷா இந்த கொண்டாட்டங்களில் கலந்து கொண்டு, மகாசிவராத்திரி வெறும் பண்டிகை மட்டுமல்ல, அறிவியல் முக்கியத்துவத்தையும் கொண்டுள்ளது என்று கூறினார். ஈஷாவின் 'மண் காப்போம்' இயக்கத்தையும், தேசிய அளவில் கலாச்சாரம் மற்றும் விழிப்புணர்வைப் பாதுகாப்பதில் அதன் பங்கையும் அவர் எடுத்துரைத்தார்.

மேலும் யோகா பழமையானது என்றாலும், அது இன்றும் பொருத்தமானதாகவே உள்ளது என்றார். தமிழ் இலக்கியம் மற்றும் கலாச்சாரம் இல்லாமல் இந்தியாவின் வரலாறு முழுமையடையாது என்றும், தமிழ்நாடு பல பாரம்பரிய கோயில்கள் மற்றும் ஆன்மீக தளங்களின் தாயகமாக உள்ளது என்றும் அவர் மேலும் குறிப்பிட்டார்.  கர்நாடக துணை முதல்வர் சிவகுமாரும் இந்த நிகழ்ச்சியில் கலந்து கொண்டார்.

இதற்கிடையில், ஈஷா யோகா மையத்தில் மகாசிவராத்திரி கொண்டாட்டத்தின் போது சத்குரு ஜக்கி வாசுதேவ் ஒரு பெண்ணுடன் நடனமாடுவதைக் காட்டும் வீடியோ சமூக வலைதளங்களில் வைரலாகி வருகிறது. இந்தியில் பல்வேறு இழிவான தலைப்புகளுடன் வைரலாகப் பகிரப்படுகிறது. இந்த பதிவுகள் அனைத்தும் அவர்களுக்கு இடையேயான பொருத்தமற்ற உறவைக் குறிக்கும் தலைப்புகளுடன் உள்ளன.

உண்மை சரிபார்ப்பு:

சமூக வலைதளங்களில் வைரலாகும் இந்தக் கூற்று தவறானது. இந்த வீடியோவில் சத்குரு ஜக்கி வாசுதேவ் தனது சொந்த மகள் ராதே ஜக்கியுடன் நடனமாடுவதைக் காட்டுகிறது. வீடியோவிலிருந்து கீஃப்ரேம்களைப் பிரித்தெடுத்து, கூகுள் ரிவர்ஸ் இமேஜ் தேடலைப் பயன்படுத்தி அவற்றைத் தேடியபோது, ​​சத்குரு தர்ஷன் என்ற யூடியூப் சேனலில் "சத்குரு எமோஷனல் டான்ஸ் வித் ராதே | கோல்டன் மொமென்ட்ஸ் | ராதே ஜக்கி | மஹாசிவராத்திரி 2025" என்ற தலைப்பில் வெளியிடப்பட்ட அதே வீடியோவைக் கண்டோம். வீடியோவின் விளக்கம் "ஈஷா யோகா மையத்தில் நடந்த மஹாசிவராத்திரி 2025 கொண்டாட்டங்களின் போது சத்குரு தனது மகள் ராதே ஜக்கியுடன் ஒரு உணர்ச்சிபூர்வமான நடனத்தைப் பகிர்ந்து கொள்ளும் இந்த தெய்வீக நிகழ்வை காண்க." எனக் குறிப்பிடப்பட்டிருந்தது.

அதே காணொளியை சத்குரு, இன்ஸ்டாகிராமில் ராதே ஜக்கியை டேக் செய்து, "சத்குரு & ராதே ஒரு உணர்ச்சிபூர்வமான தருணம்" என்ற தலைப்புடன் பதிவிட்டார்.

ஜக்கி வாசுதேவ் தனது மகள் ராதே ஜக்கியுடன் தனது இன்ஸ்டாகிராம் கணக்கில் பகிர்ந்து கொண்ட பல படங்களையும் நாங்கள் கண்டோம் . ராதே ஜக்கி தனது தந்தையைப் பற்றியும் அவருடனான தனது உறவைப் பற்றியும் பேசும் வீடியோ இங்கே உள்ளது.

எனவே, ஈஷா அறக்கட்டளையின் நிறுவனர் சத்குரு தனது சொந்த மகளுடன் நடனமாடுவதை வைரல் காட்டுகிறது. வைரலான கூற்று தவறானது.

Note : This story was originally published by ‘Telugu Post’ and Translated by ‘News7 Tamil’ as part of the Shakti Collective.