முஸ்லீம் நபர் ஒருவர் சீட் கவர் வியாபாரத்தை அதிகரிக்க மற்ற வாகனங்களை சேதப்படுத்தினாரா?
This news Fact Checked by BOOM
ஆகஸ்ட் 2024 இல் பார்க்கிங் தகராறு காரணமாக உத்தரகாண்ட் மாநிலம் டேராடூனில் பைக் சீட் கவர்களைக் கிழித்து பிடிபட்ட தீரஜ் அகர்வால் வைரலான வீடியோவில் இருப்பவர் என்பதை BOOM கண்டறிந்துள்ளது.
உத்தரகாண்ட் மாநிலம் டேராடூனில் நிறுத்தப்பட்டிருந்த வாகனங்களின் சீட் கவர்களைக் கிழிக்க ஒரு நபர் பிளேட்டைப் பயன்படுத்தும் பழைய வீடியோ, ஒரு முஸ்லீம் நபர் தனது பஞ்சர் மற்றும் சீட் கவர் வியாபாரத்தை அதிகரிக்க வாகனங்களை சேதப்படுத்தியதாக பதிவு ஒன்று வைரலாகி வருகிறது.
பார்க்கிங் தகராறு காரணமாக பைக் கவர்களை கிழித்து சிக்கிய தீரஜ் அகர்வால் வைரலான வீடியோவில் இருப்பவர் என்பதை பூம் கண்டறிந்துள்ளது. வீடியோ எடுக்கப்பட்ட இடத்திற்கு அருகில் பயிற்சி மையம் நடத்தி வரும் அகர்வாலிடம் பேசியபோது, மக்கள் தங்கள் வாகனங்களை அங்கு நிறுத்தியதால் வருத்தமடைந்தவர் வாகன இருக்கைகளை சேதப்படுத்தியதாக அவர் கூறினார்.
ட்விட்டர் (எக்ஸ்) பதிவின் ஸ்கிரீன்ஷாட் கீழே உள்ளது.
பார்க்க இங்கே கிளிக் செய்யவும், காப்பகத்திற்கு இங்கே கிளிக் செய்யவும்.
உண்மை-சரிபார்ப்பு: சம்பவத்தில் தவறான வகுப்புவாதக் கூற்று சேர்க்கப்பட்டது
வைரலான வீடியோவில் உள்ள 'உத்தரகாண்ட் பிரத்தியேக' லோகோவிலிருந்து ஒரு குறிப்பை எடுத்து, அதன் பேஸ்புக் மற்றும் இன்ஸ்டாகிராம் பக்கம் கண்டறியப்பட்டது. பின்னர் அப்பக்கத்தின் நிர்வாகியை அணுகிய போது கௌரவ் வாசுதேவ், வைரலான வீடியோ ஆகஸ்ட் 2024 இல் தனது பக்கத்தில் பதிவேற்றப்பட்டதாகக் கூறினார், அது பின்னர் நீக்கப்பட்டது.
வாசுதேவ், "இந்த வீடியோவில் உள்ள சம்பவம் உத்தரகாண்ட் மாநிலம் டேராடூனில் உள்ள நேரு கிராம் பகுதியில் உள்ள தோபால் சௌக்கில் உள்ளது. வீடியோவில் இருப்பவர் தீரஜ் அகர்வால் என்ற ஆசிரியர்." என தெரிவித்தார்.
பின்னர் தீரஜ் அகர்வாலை அணுகிய போது, அவர் வைரலான வீடியோவில் இருப்பவர் என்பதை உறுதிப்படுத்தினார். சம்பவம் நடந்த இடத்திற்கு அருகில் டெஹ்ராடூனில் பயிற்சி மையம் ஒன்றை நடத்தி வருவதாகவும், அந்த வீடியோ அவரது பயிற்சி மையத்திற்கு அருகில் உள்ள பொது பார்க்கிங்கில் இருந்து எடுக்கப்பட்டதாகவும் அகர்வால் கூறினார்.
மேலும், "இது ஆகஸ்ட் 5, 2024 அன்று நடந்தது. நான் 2 சக்கர வாகனங்களின் இருக்கைகளை சேதப்படுத்துவதை யாரோ வீடியோ எடுத்து சமூக ஊடகங்களில் பரப்பினர். மக்கள் தங்கள் வாகனங்களை எங்கள் பயிற்சி மையத்திற்கு அருகில் உள்ள பார்க்கிங் இடத்தில் நிறுத்திவிட்டு செல்வார்கள். அதனால், அவர்களுக்கு பாடம் புகட்ட நான் அதை செய்தேன், இந்த விஷயம் ஆகஸ்ட் 6 அன்று காவல்துறைக்கு வந்தபோது, இதற்காக போலீசார் என்னை கண்டித்தனர். ஆனால் எந்த வழக்கும் பதிவு செய்யப்படவில்லை. வகுப்புவாத பதட்டத்தை பரப்ப தன்னை ஒரு 'முகமது ஜுனைத்' என்று தவறாக அடையாளப்படுத்தும் வீடியோ பகிரப்படுகிறது என்று அவர் கூறினார்.
இதுகுறித்து உத்தரகாண்ட், டேராடூன், ராய்பூர் காவல்துறையை அணுகிய போது, அவர் சம்பவம் அங்கிருந்து வந்ததை உறுதிப்படுத்தினார், மேலும் சமூக ஊடகங்களில் பகிரப்படும் வகுப்புவாத பதிவுகளை நிராகரித்தார்.
காவல் நிலைய அதிகாரி பிரதீப் நேகி, "இது ஆகஸ்ட் 2024 முதல் நடந்த வழக்கு, பயிற்சி மைய ஆபரேட்டருக்கு மக்கள் தங்கள் வாகனங்களை நிறுத்துவதில் சிக்கல் ஏற்பட்டது. அதனால்தான் அவர் இதைச் செய்தார். இருப்பினும், இந்த வழக்கில் எஃப்ஐஆர் பதிவு செய்யப்படவில்லை." என தெரிவித்தார்.
Note : This story was originally published by BOOM and Translated by ‘News7 Tamil’ as part of the Shakti Collective.