"நீட் தேர்வு விவகாரத்தில் குழப்பத்தை ஏற்படுத்துவதே காங்கிரஸின் நோக்கம்!" - மத்திய அமைச்சர் தர்மேந்திர பிரதான் குற்றச்சாட்டு!

நீட் தேர்வு விவகாரம் தொடர்பாக குழப்பத்தை ஏற்படுத்துவதே காங்கிரஸ் கட்சியின் நோக்கமாக இருக்கிறது என்று மத்திய கல்வித்துறை அமைச்சர் தர்மேந்திர பிரதான் குற்றம் சாட்டியுள்ளார்.

இது தொடர்பாக மத்திய கல்வி அமைச்சர் தர்மேந்திர பிரதான் செய்தியாளர்கள் சந்திப்பில் தெரிவித்ததாவது :

"நீட் தேர்வில் முறைகேடுகள் நடந்ததாகக் கூறப்படும் விவகாரம் குறித்து நாடாளுமன்றத்தில் விவாதம் நடத்த வேண்டும் என்று மக்களவை எதிர்க்கட்சித் தலைவர் ராகுல் காந்தி கூறி இருக்கிறார். உண்மையில் காங்கிரஸ் விவாதத்தை விரும்பவில்லை. விவாதத்தில் இருந்து தப்பிக்கவே விரும்புகிறது. சீராக போய்க்கொண்டிருக்கும் நிறுவன கட்டமைப்பின்மீது அதிருப்தியை, குழப்பத்தை, தடையை உருவாக்குவது மட்டுமே அக்கட்சியின் நோக்கம்.

குடியரசுத் தலைவரும்கூட இந்த விவகாரம் குறித்து பேசி இருக்கிறார். நீட் தேர்வில் சவால்கள் மற்றும் குறைகள் இருப்பதை ஒப்புக்கொண்டிருக்கிறார். இந்த விவகாரம் குறித்து நாங்கள் ஆய்வு செய்து வருகிறோம். அரசு சார்பில், எந்த விதமான விவாதத்திற்கும் நாங்கள் தயாராக இருக்கிறோம் என்று நான் தெளிவாகக் கூறி இருக்கிறேன்.

இதையும் படியுங்கள் : “குடிநீரில் கழிவுநீர் கலப்படம் இல்லை” - சிறுவன் உயிரிழந்த விவகாரத்தில் அமைச்சர் மா.சுப்பிரமணியன் விளக்கம்!