உடனே உங்க UPI ஐடி-ய செக் பண்ணுங்க... இந்த எழுத்துக்கள் இருந்தால் நாளை முதல் பண பரிவர்த்தனை செய்ய முடியாது!

உலகத்தின் ஒவ்வொரு செயல்பாடுகளும் தற்போது டிஜிட்டல்மயமாகி வருகிறது. அதிலும் குறிப்பாக பணப் பரிவர்த்தனை முறை முழுவதும் டிஜிட்டல் மயமாகியுள்ளது. யாரிடமாவது அவசரத்திற்கு கையில் ரூ.10 இருக்குமா என்று கேட்டால், இருக்கிறது என்னும் பதில் வருவது மிகவும் அரிதே.

காரணம் டிஜிட்டல் பணப் பரிவர்த்தனை முறை வெகுவாக வளர்ச்சியடைந்து வருகிறது. குறிப்பாக, யுபிஐ எனப்படும் ஒருங்கிணைந்த பணப் பரிவர்த்தனை, கோடிக்கணக்கான இந்தியர்களின் அன்றாட வாழ்க்கையில் ஒரு அங்கமாகிவிட்டது. கிராமங்களில் உள்ள சிறு கடைகளில் கூட தற்போது யுபிஐ மூலம் பணம் செலுத்தும் வசதி வந்துவிட்டது.

இந்த நிலையில் யுபிஐ பரிவர்த்தனைகளை நெறிப்படுத்தும் வகையில் நேஷனல் பேமெண்ட் கார்ப்பரேஷன், பல்வேறு கட்டுபாடுகளை விதித்துள்ளது. அந்த வகையில் யுபிஐ ஐடியில் சிறப்பு எழுத்துக்கள் இருந்தால் பண பரிவர்த்தனை நிராகரிக்கப்படும் என அறிவிக்கப்பட்டுள்ளது.

நாளை (பிப்.1) முதல் இந்த நடைமுறை அமலுக்கு வருகிறது. @,#,%,& உள்ளிட்ட சிறப்பு உருக்கள் கொண்ட பரிவர்த்தனைகள் நிகாரிக்கப்படும். எனவே யுபிஐ ஐடிகள் எழுத்துகள் (AZ) மற்றும் எண்களில் (0-9) இருப்பது அவசியம் என தெரிவித்துள்ளது.  யுபிஐ மோசடிகளை தவிர்க்கவும், யுபிஐ பரிவர்த்தனைகளை மேம்படுத்தவும் இந்த நடவடிக்கை மேற்கொள்ளப்பட்டுள்ளதாக இந்திய தேசிய கொடுப்பனவு கழகம் தெரிவித்துள்ளது.

என்பிசிஐ ஜனவரி 9ஆம் தேதி இந்த சுற்றறிக்கையை வெளியிட்டது. உங்கள் UPI ஐடியில் சிறப்பு உருக்கள் இருந்தால் நாளை முதல் பணம் செலுத்த முடியாது. பண பரிவர்த்தனை தானாகவே தோல்வியடையும்.