பிரதமர் மோடியை ஆதரித்ததால் சந்திரபாபு நாயுடுவின் புகைப்படம் எரிக்கப்பட்டதா? - உண்மை என்ன?

This news fact checked by Newschecker 

பிரதமர் நரேந்திர மோடியை ஆதரித்ததற்காக சந்திரபாபு நாயுடுவின் புகைப்படத்தை போராட்டக்காரர்கள் எரித்ததாக வைரலாகி வரும் வீடியோ தவறான கருத்துகளுடன் பகிரப்பட்டு வருவதாக கண்டறியப்பட்டுள்ளது.

மக்களவைத் தேர்தல் முடிவுகள் வெளியான பிறகு, தேசிய ஜனநாயக கூட்டணியில் தலைவராக நரேந்திர மோடிஒருமனதாக தேர்ந்தெடுக்கும் தீர்மானம் நிறைவேற்றப்பட்டது. இதன் மூலம் மோடி 3.0 அரசாங்கம் உருவாக்கப்பட்டது. பாஜகவுக்கு தெலுங்கு தேசம் கட்சி தனது ஆதரவை உறுதி செய்த நிலையில், போராட்டக்காரர்கள் சந்திரபாபு நாயுடுவின் புகைப்படத்தை அடித்து நொறுக்கி தீ வைத்து கொளுத்துவது போன்ற வீடியோ இணையத்தில் வைரலானது.

பல சமூக ஊடக பயனர்கள் 33 வினாடிகள் கொண்ட வீடியோவை பகிர்ந்து, “ஆந்திர பிரதேச மக்கள் மோடியை ஆதரிப்பதற்காக சந்திரபாபு நாயுடுவின் புகைப்படங்களை எரிக்கிறார்கள்” என்று தலைப்பிட்டிருந்தனர்.

ஆனால், இந்த வீடியோ நடந்துமுடிந்த ஆந்திரப் பிரதேச சட்டமன்ற தேர்தலில் குண்டகல் சட்டமன்றத் தொகுதியில் தெலுங்கு தேசம் கட்சி வேட்பாளராக கும்மனூர் ஜெயராமை அறிவித்ததற்கு அக்கட்சியின் தலைவர் சந்திரபாபு நாயுடுவிற்கு எதிர்ப்பு தெரிவித்த வீடியோ இது என கண்டறியப்பட்டது.

உண்மைச் சரிபார்ப்பு:

வைரலான வீடியோவின் கீஃப்ரேம்களில் கூகுள் லென்ஸ் தேடுதலுக்கு உட்படுத்தப்பட்டபோது, @SajjalaBhargava என்ற முகநூல் பக்கத்தில் மார்ச் 29, 2024 அன்று பதிவிடப்பட்ட வீடியோ ஒன்று கண்டறியப்பட்டது. வைரலான வீடியோவின் காட்சிகளை கொண்டிருந்த அந்த வீடியோ, “குண்டக்கல்லில் தீ - தெலுங்கு தேசம் கட்சி” என்று குறிப்பிடப்பட்டிருந்தது.

பின் கூகுளின் முக்கிய வார்த்தை தேடலில், ”குண்டகல்," "சந்திரபாபு நாயுடு புகைப்படம்" மற்றும் "தீ" என்ற முக்கிய வார்த்தைகள் தேடப்பட்டது. இது மார்ச் 2024 அன்று சமயம் தெலுங்கு சேனலில் பதிவேற்றப்பட்ட வீடியோவை கண்டறிய உதவியது. வைரலாகும் வீடியோவின் ஒரு சிறிய பதிப்பை இந்த பதிவு கொண்டிருந்தது. மேலும், “கும்மனூர் ஜெயராமுக்கு எதிராக குண்டக்கல் தெலுங்கு தேசம் கட்சியினர் சந்திரபாபு நாயுடு புகைப்படத்தை எரித்து போராட்டம் நடத்தினர்” என தலைப்பிடப்பட்டிருந்தது. இது சமயம் தெலுங்கு அதிகாரப்பூர்வ பேஸ்புக் பக்கத்தில் மார்ச் 29, 2024 அன்று பதிவேற்றப்பட்டது.

மார்ச் 2024 முதல் தி நியூ இந்தியன் எக்ஸ்பிரஸ் செய்தியில் வைரலான வீடியோவின் ஸ்கிரீன்சாட்டை பகிர்ந்து, “கும்மனூர் ஜெயராமுக்கு குண்டக்கல் தொகுதி ஒதுக்கப்பட்டதற்கு எதிர்ப்பு தெரிவித்து தெலுங்கு தேசம் கட்சியினர் பிரசாரப் பொருட்களை தீயிட்டுக் கொளுத்தினர்” என தலைப்பிடப்பட்டிருந்தது.

மேலும், “சமீபத்தில் தெலுங்கு தேசம் கட்சியில் இணைந்த ஜெயராமிடம் ரூ.30 கோடி பெற்றுக்கொண்டு அவருக்கு சீட் ஒதுக்கப்பட்டதாக கூறப்படுகிறது. திருப்பதி மாவட்டம் சத்யவேடுவில், சமீபத்தில் ஒய்எஸ்ஆர்சி கட்சியில் இருந்து தெலுங்கு தேசம் கட்சியில் இணைந்த கொனேட்டி ஆதிமூலத்தை வேட்பாளராக நிறுத்தும் கட்சியின் முடிவை அக்கட்சியினர் கடுமையாக எதிர்த்தனர்.

மார்ச் 29, 2024 அன்று வெளியான தி ஹிந்து அறிக்கையில், “சட்டமன்ற தேர்தல் வேட்பாளர்களாக டி.வெங்கடேஸ்வர பிரசாத் மற்றும் கும்மனூர் ஜெயராம் அறிவிக்கப்பட்டனர். இதனால், தெலுங்கு தேசம் கட்சியின் அதிருப்தியான தொண்டர்கள் கட்சி அலுவலகங்களை அடித்து நொறுக்கி, தளபாடங்களுக்கு தீ வைத்ததை அடுத்து, அனந்தபூர் மற்றும் குண்டகலில் லேசான பதற்றம் நிலவியது” என கூறப்பட்டுள்ளது.

மேலும், Google Maps இல் பரவலாகப் பரப்பப்பட்ட காட்சிகளில் காணப்பட்ட __cpLocation கண்டறியப்பட்டது. ஒய்எஸ்ஆர்சிபி அரசில் அமைச்சராக இருந்த கும்மனூர் ஜெயராம் , இந்த ஆண்டு மார்ச் மாதம் தெலுங்குதேசம் கட்சியில் இணைந்தார். ஆனால் குண்டகல் சட்டமன்றத் தொகுதியில் டர்ன்கோட் வெற்றி பெற்றார். அவர் 6,826 வாக்குகள் வித்தியாசத்தில் வெற்றி பெற்றுள்ளார்.

முடிவு:

ஆந்திராவின் குண்டக்கல் தொகுதியில் தெலுங்கு தேசம் கட்சி வேட்பாளராக கும்மனூர் ஜெயராமை முன்னிறுத்தியதற்கு எதிராக தேர்தலுக்கு முன்பு நடந்த போராட்டத்தைக் காட்டும் காணொளி பொய்யான கூற்றுடன் பகிரப்பட்டது என்று கண்டறியப்பட்டது.

Note : This story was originally published by Newschecker and Translated by ‘News7 Tamil’ as part of the Shakti Collective.